paubos na pasensya

oist sakura!

paubos na pasensya ko sa kaibigan ko.
lagi na lang meh sinasabing gagawin 
pero hindi naman tinutuloy.
ang masama pa eh hindi naman sya nagpapasabi
na hindi matutuloy kaya't
mamatay ka sa kakaisip o kaya kakaantay.
paubos na talaga.
paubos na.

(misty, 33)

----------------------------

hoy misty!

sinanay mo ba sya na ganyanin ka lagi?
sinubukan mo na bang wag na lang
pansinin ang sinasabing gagawin
nya at tingnan na lang kung
may mangyayari?
umaasa ka pa ba na magbabago pa sya?
kung paubos na, paubos na nga 'yan.
pag ubos na talaga eh
ubos na 'di ba?

(sakura)

ang tamad ng boss ko

oist sakura

sobrang tamad ng boss ko
laging nasa bakasyon
at lahat ng trabaho eh naiiwan sa amin
pero syempre di namin ginagawa
kaya andaming naiinis sa min
kasi lagi kaming huli at
apektado na ang iba.
tanong: tama namang di namin gawin di ba?
gawain nya yun at sobrang triple pa sweldo
nya sa amin. pano kung sisantehin kami?


marky baby, 50





------------------------------------

hoy marky baby!

kaya mo nasabing tamad kasi nagbabakasyon?
kaya mo nasabing tamad kasi di ginagawa trabaho
at laging nagbabakasyon?
kaya mo nasabing tamad kasi naiiwan senyo 
ang trabaho at laging nagbabakasyon?
sa iniwang trabaho mahirap ba gawin?
kung mahirap, bakit di mo sinsabi?
kung mahirap, bakit di ka nagpapatulong?
kung hindi mahitap, bakit di mo ginagawa?
kasi gawain nya dapat?
kasi siniswelduhan sya para gawin yun?
kamusta ka naman, hindi pa ba palpak ang gawain mo?
papano nga kung masisisante ka kapag nagkagulo gulo?
may papupuntahan ka ba?
may malaking ipon ka na ba?
sa palagay mo, wala na ba talagang magagawa?

sakura

negang- nega

oist sakura...


alam mo hindi ko alam kung
maaawa o maiinis ako sa kaibigan ko
sa mga FB wallpost nya.
puro kasi pang-aaway pero hindi
naman nakalagay kung sino ang kaaway
nya. kaya umaga pa lang kapag
nag-e-FB ako eh nawawalan ako
ng gana kasi tumatambad
sa akin ang mga posts nya.
haaaaaaay!


mantoy,35

-------------

hoy mantoy!

hindi mo ba alam na simple
lang ang solusyon sa
pinuproblema mo???

eto:
buksan mo ang profile nya.
hanapin mo ang UNSUBSCRIBE,
'yun! hindi mo na makikita ang
mga posts nya.

o 'di kaya eto:
buksan mo ang profile nya.
hanapin mo ang UNFRIEND o kaya
DELETE from friends list.
ewan, sigurado ako meron nyan.
mag-explore ka nga!

sakura

tomboy pala ang gusto

oist sakura!

naimbyerna naman ako sa kaibigan ko
ipinagtanggol ko na at lahat kasi
inaaway ng ex-boyprend nya
at ngayon ay hinanapan
ko ng lalaking tunay na
makakapagpaligaya sa kanya.
josko! nalaman laman ko na lang
sa tomboy sya napunta!
ano ba yan?!

(jaylo, 30)

---------------------

hoy jaylo!

hiniling ba ng kaibigan mo na
ipagtanggol sya sa nang-aaway na
ex-boyprend nya?
hiniling din ba nya sa'yo na ihanap
sya ng lalaking tunay na
makakapagpaligaya sa kanya?
kung hindi naman eh wag ka na
umangal pa, may balak na naman pala
sya sa buhay nya eh.
paano mo nalaman na sa tomboy napunta?
hindi na ba kayo nag-kakausap?
hindi na ba kayo magkaibigan?
ay, yan ang problema...

(sakura)

matakaw kuya ko

oist sakura!

marami kaming magkapatid
at medyo taghirap ngayon kaya
talagang hati-hati sa ulam sa bahay.
itong kuya ko, sobrang takaw naman,
higit pa sa parte nya ang kinakain kaya
tuloy yung huli sa kainan (kadalasan ako)
eh nauubusan ng ulam.
nakakainis talaga 'di ba?
anong gagawin ko?

(jonjon, 17)

-------------------

hoy jonjon!

ilan kayong magkakapatid- sobrang dami ba?
ngayon lang kayo taghirap? kami mula nuon pa.
sino naghahati-hati ng ulam? tama ba pagkakahati?
kuya ba talaga yang sinasabi mo, bakit
parang bunso kung umasta?
bakit ka nahuhuli lagi sa kainan?
may mga mas mahalaga ka pa bang ginagawa?
baka akala hindi ka na kakain kaya
nanghinayang na magtira pa ang kuya mo?
pero kung dahil sa takaw lang, nakakainis nga!
ano bang dapat mong gawin?
eh 'di wag magpahuli sa
lamesa? obvious ba?
or else, haay.

(sakura)

pesteng linta

oist sakura!

badtrip 'tong kasamahan ko ha.
ibinigay ko sa kanya hati ko sa bayad ng
ilaw at tubig pero nalaman ko na ilaw lang
binayaran nya at sinabi sa meh-ari 
ng bahay na nirerentahan namin
na wala pa raw pambayad sa
tubig. bonggang kawatan!

(ayeh, 28)

-------------------------

hoy ayeh!

baka naman hiniram lang...
bakit 'di mo kausapin at itanong
kung ano talaga ang nangyari?
teka, bakit nga pala hindi
rin sinabi sa 'yo?
aba, baka naman ikaw na isinumbong
nyan na 'di nagbayad, lagot ka!
'wag mo na patagalin pa!
pwede mo rin naman kausapin ang
meh-ari 'di ba? go! now na!

(sakura)

pakelamerang ex

oist sakura!
haleeer! ganyan ba talaga kayo mga babae?
kahit ex na eh nangengealam pa?
itong ex ko, in-add ko lang sa
FB kasi nag request pero josko
pinakekelaman ba naman mga posts ko.
reak to da max sa mga lakad ko
at mga drama ko sa buhay!
hay kabozit!
(toper, 26)


hoy toper!
haleeer! bakit nadamay lahat ng babae sa inis mo
jaan sa bruhang ex mo? lahat ba ng
babae ay kagaya nya? nanay at mga kapatid mo
ganyan din ba? pwes! hindi ako!
bakit mo naman kasi in-add kung alam mo
namang mapang-reak sya?
bakit 'di mo na lang tapatan ang mga
posts nya (wala bang sample?) ?
bakit 'di mo na lang i-hide sa
kanya ang wallposts mo?
sus! dami pwede gawin
kesa mabozit! bozit!
(sakura)

buhay ko 'to

oist sakura!
nakakapagod na talaga.
parang walang pagbabago sa buhay ko.
ayoko na magtrabaho kasi parang
wala ring kwenta eh.
wag na lang din sana ako pagpayuhan
at pakialaman ng mga kaibigan ko.
buhay ko naman 'to eh.
(patpat, 34)

hoy patpat!
bakit ka napagod na talaga?
mula ba pinanganak ka eh grabe hirap buhay mo?
baka naman mula lang ng magkaloko loko
buhay mo? may sampung taon na?
bakit walang pagbabago sa buhay mo?
sino ba dapat ang gumawa ng pagbabago sa buhay mo?
meron ka pa bang inaasahang iba bukod sa sarili?
paano na ang ibang mga pangangailangan
mo kapag ayaw mo na magtrabaho?
hindi ka naman siguro disabled?
hindi ka rin naman bobo?
anong kinalaman  ng pagpapayo at
pakikialam ng mga kaibigan mo sa
estado mo ngayon? na mukha
namang 'di ka rin nakikinig.
buhay mo nga iyan kaya
ayusin mo mag-isa!
(sakura)

panget daw ako

oist sakura!

boypren ng kasamahan ko sa boarding house pinaringgan ako.
sabi pa 'kung sino pa daw panget, sya pang suplada'.
matangkad nga sya pero 'di naman sya
kagwapuhan, kagaguhan kamo! lagi dito sa boarding house
nakikikain, nakikitulog at nag-iingay na parang taga-dito din.
aber, pa'no ako 'di magsusuplada at
'di papangit kung sa araw araw na ginawa
ng bathala eh nandun sya?

(marla, 35)

==============

hoy marla!

nakita ko ang picture na nilakip mo dito,
'di ka naman pangit ah
medyo maitim ka nga lang pero balanse ang mukha mo---
ilong, mata, bibig at pisngi at makinis isken
inpernez! (ayan ha, duda ka pa ba?)
hindi kaya KSP lang yun?
baka kaya meh gusto 'syo? wag mo na patulan!
(o kaya patulan mo kapag kayo lang bwahahahaha)
kawawa naman- namumulubi siguro...
walang ibang makainan? (kunyari pa sweet lang na gusto sabay)
walang matirhan? (baka pinambili ng yosi at alak ang pang renta)
walang pinag-aralan? (baka bobo lang talaga, meh ganun eh)
walang maayos na patnubay ng magulang? (wala akong mailagay dito)
pagsabihan mo---wala naman syang karapatang
maglagi duon at magdemand or mag expect pa ng kindness di ba?
kapag umalma yung kasamahan mo (yung ugok na gelpren),
bigyan mo ng mag-asawang irap!
pati ata tuloy ako biglang nabozit sa sitwasyon mo!
baka ako pumangit nito! tse!

(sakura)

puro problema na lang

oist sakura!

nakakasuya na talaga.
lahat ng text at tawag sa
'kin puro problema ang laman.
wala na 'atang katapusan 'to! arrgh!

(jepoy,36)

-----------------

hoy jepoy!

nasusuya ka na nyan?
eh bakit mo binabasa o tinatanggap ang tawag?
bawal ba magpalit ng simpack?
ah, teka, baka mga life-and-death situation?
kamusta ka naman? pareha lang pala tayo kasi ako
puro problema, angal atbp lang din natatanggap ko eh pero
mas masaklap ang sa akin kasi 'di naman ako meh gawa eh yung
sa'yo, kaw ba meh dahilan bakit nagkakaproblema?
pataytayojan. o pa'no, ginagawan mo na ba ng hakbang para
matapos o mabawasan man lang 'yan?
arrgh! ka rin

(sakura)

echusserang feg

oist sakura...

anong problema nitong
kasamahan ko sa trabaho?
laging sumisilip sa ginagawa ko
tapos chinichismis sa iba na
kung tutuusin hindi naman
kami close. kairita lang.

ambrosia, 28


-------------------



hoy ambrosia!

anong problema mo?
bakit mo pinapansin 'yang kasamahan
mo sa trabaho na 'di naman pala
kayo close at bakit mo naman
pinapansin pa kung
chinichismis ka niya sa iba?
sya lang ang meh problema
'wag ka na dumagdag pa.
ano sa palagay mo-
meh gusto sa 'yo o
meh inggit sa 'yo?
whatever!

sakura

kung makautang parang may ATM sa 'kin

oist sakura...

grabe ang ate ko ha, kung makautang parang
meh pintagong ATM lang. ni walang
intro o pangangamusta, basta
magsasabi lang ng "baka may extra kang pera
pahiram naman". kung 'di ka rereply eh sasama loob.
at kung 'di ka papautang eh wala ka nang kwenta. linshak!
ano gagawin ko?

gemma west, 25


----------------------------------

hoy gemma west!

hindi kaya may ATM talagang pinatago ate mo sa 'yo?
wala ka bang balak kalkalin at alalahanin, baka mapahiya ka lang!
eh kung wala naman, eh di wala! wala ka bang maipapahiram?
baka naman meron, wag ka madamot!
kasi kung 'di ka nga magpapahiram, wala kang kwenta! LOL
 hindi ba extra naman ang sabi nya?
eh bakit 'di mo replayan na "kahit kelan ate 'di ako nagkaextra!"?
mareply ka para walang samaan ng loob!
magpahiram ka para may kwenta ka!
teka, nagbabayad ba? hindi?!
waaaahhh! bahala ka na!

sakura
 

lalayas nako sa FB group

oist sakura...

gusto ko na lumayas sa FB group ko

kasi ang admin eh nakakaasar.

post nya, like nya, comment nya pa!

wala pa sa tono magbiro kala mo

eh super ka-close nya lahat

at super ka-edad nya eh gurang na

sya noh! isa pa, kung makapag-ingles

kala mo naman meh natapos sa kolehiyo

eh ang rinig ko eh wala!

ginalyn, 19

-----------

hoy ginalyn!

kung gusto mo lumayas, eh di lumayas ka!

bawal ba lumayas kapag sumali ka sa FB group?

paki mo sa post nya, like nya at comment nya?

eh group nya yun eh, gawa ka ng group mo

kung gusto mo at gayahin mo sya! LOL

ka-close nya naman siguro at ka-edad nya

lahat sa feeling nya so deadma na!

anong problema mo sa pag-ingles nya?

di mo ba naiintindihan o nabobozit ka lang?

di ka ba pwede mag-ingles ingles din?

kahit naman siguro ikaw eh sasang-ayon

sa akin na di lahat ng nakatapos ng

kolehiyo eh may kwenta...pero lahat ba ng

magaling mag-ingles ay may kwenta?

sakura

abnormal ba sila???

oist sakura!
abnormal ba itong mga kapitbahay ko?
(tomtom, 20)

-----------


hoy tomtom!
ay, bat ako tinatanong?
oo? abnormal sila?
(sakura)

nakikipagbati kasi mangungutang

oist sakura!

hmp! walang kwenta 'tong kaibigan ko kuno

inaway ako ng todo, halos isumpa ako. .

ilang buwan ko ring iniyakan kasi
naman ---wala akong kasalanan!

at ngayo'y okay na ako.

tapos bigla bigla, marinirinig ko lang

makikipagbati raw. ha? bakit?
abah, narinig ko rin - wala na
syang ibang mauutangan at kapos na
kapos. ano sakura? batiin ko na?


(valiente, 45)


--------------------------------------------------


hoy valiente!


kung walang kwenta, bakit mo kinakaibigan?
kung pinaiyak ka, bakit oras ay iyong nilalaan?
kung halos isumpa ka, bakit anjan pa sa isipan?
ayan tuloy, ako'y napatula na lang!
ngayong alam mo na, anong balak pa?
makipagbati para mautangan na?
ewan ko sa'yo, ewan kung addict ka
o tunay na nagmamahal lang sa tanga...
ikaw? anong gusto mo? bati na talaga?
ay! mag isip ka kaya muna---
sya ba'y sa iyo, ganon kahalaga?
ikaw ba'y siguradong may ipapautang pa?


sakura

walang makain pero may pamparebond

oist sakura!

parang ang OA naman nitong tita ko.
nagdadrama na sobrang hirap na ng buhay
at halos wala na syang makain pero
nung isang araw nakita ko naman
na nagpa footspa at nakapag
parebond pa ng buhok!
pweh!

(paz, 23)

-----------------


hoy paz!

ikaw ba dinadramahan ng tita mo?
hinihingan ka ba ng pagkain?
kung hindi naman, ano inaangal mo jaan?
napagod ka lang ba kakapakinig?
eh 'di 'wag mo pakinggan!
nag aalala ka ba sa gastos nya?
eh 'di 'wag ka mag alala!
naiinggit ka ba kasi 'di ka makapagpa footspa
at makapag parebond ng buhok kasi inuuna
mo pa pagkain mo kesa sa mga 'yun?
abah, kung nais mong tumulad
sa kanya- go! para magduet
na kayo sa pagdadrama...
oh, ha?

 (sakura)

echuserang hippo

oist sakura!

una hindi ko naman ka-close itong
echuserang ito. hamak na sidekick
lang siguro sya ng isa kong kakilala.
bakit kung mag-react eh parang
napakaraming alam sa world???
at kung makaasta eh kala mo
sundalong na warshock???
makealam ba sa usapan ng iba?
makegalitgalitan ba sa isyung
mukhang 'di naman sya kasali???
KSP ba itez?

 (mcdogurl, 28)


---------------------------------

hoy mcdogurl!

bakit ba pinag-aaksayahan mo ng panahon
ang echuserang ito kung 'di mo naman feel?
bakit ka ba affected sa kanyang pangengelam?
kasali ka ba sa isyung sinisingitan nya?
baka naman masyadong pamoso ang isyung
ito at nakikiambon lang sya ng limelight...
hindi kaya? weh, baka nga! kawawa naman.
pa'no naman naging warshock? bukod sa
nangengealam ba eh nang aaaway pa?
josko! ang extra gusto bumida?
eh kung ganun, ano ba ang dapat gawin---
ang patuloy na mainis at patulan sya
o putulin ang kanyang pangarap na
sumikat??? papano??? alam mo na yan!

 (sakura)

PS. bakit echuserang hippo ang tawag mo
sa kanya dito? tama bang iassume ko na
mukha syang hippo? haroooojosko!

di kagandahan nag iinarte

oist sakura!

hmp! 'tong kaklase ko nag-iinarte
'di naman kagandahan!
wala syang karapatan noh?

(lily, 17)

============

hoy lily!

ano ba pakelam mo sa kaklase mo?
ano bang pinag-iinartehan nya?
ano bang 'kagandahan' para sa 'yo?
ikaw, kagandahan ba?
pa'no ka nagkaroon ng karapatan na alisan
ng karapatan ang isang di-kagandahan (sabi mo lang)
na mag-inarte?!

(sakura)

hanggang leeg na trabaho ko

oist sakura!

hirap na ako ha.
hanggang leeg na trabaho ko.
araw-araw na lang ganito.
may katapusan pa ba 'to?

(adam, 29)

============

hoy adam!

oo na hirap ka na, pero
mas mahirap yung walang trabaho di ba?
ay oo, araw-araw na yan lalo na
kung:
1. mas marami ka pang dada kesa sa gawa...at
2. sinasadya mo paramihin para feeling mo dakila ka
may katapusan pa kaya iyan?
esep esep.

(sakura)

nakakainis ang kabaitan

oist sakura!

itong kaibigan ko sobrang bait
kahit inaapi na sya eh nginingitian at
kinakausap pa nya ang umaapi sa kanya.
nakakainis 'di ba?

(poxy, 18)

==============

hoy poxy!

nakakainis nga 'yun, lalo na kung ako
yung umaapi hahaha.. 'di ba kapag nang-aapi ka
gusto mo umiyak at 'di na mamuhay ng normal ang
inaapi mo? pero itong kaibigan mo, meh magic
nakakayanan nya yun?
hmmm.

(sakura)