new year na wala naman bago

oist sakura...

new year na wala namang bago
wala namang bago dito
wala ring bago sa akin
laging ganito na lang kapag
nagbabagong taon.
may kwenta pa ba talaga?

mario, 40

-----------------------------


hoy mario!

new year na nga 'di ka 'ata nagbago
sa tanong at kwento mo eh
wala namang nagbago
walang bago riyan at walang bago sa 'yo.
lagi ka bang ganyan kung bagong taon?
may kwenta pa nga kaya talaga?
bakit 'di ka na lang magbago?

sakura

maganda pero walang boyprend

oist sakura!

'di sa pagmamayabang ha, maganda naman talaga ako.
lagi nga akong nananalo sa beauty contest eh pero
bakit ganun? wala pa akong boyprend.
bakit walang nanliligaw sa akin?
samantalang yung mga pangit dito eh
ang gaganda ng lovelife.

(mariafe, 19)

=============

hoy mariafe!

o sya, maganda ka na at laging nananalo sa
mga beauty contest pero ang tanong, charming ka ba?
matalino (kahit smart lang ng konti) ka ba?
kasi naman, kapag maganda ka lang- sipol at pagnanasang
ikama lang ang aabutin mo sa mga lalaki.
bakit 'di kaya pag-isipan mo ulit?
kung bakit ang mga pangit (sa opinyon mo) sa paligid mo
ay namumulaklak ang lovelife at ikaw ay itlog.
'di kaya wala kang kwentang kausap?
minsan kasi wala sa pagandahan eh,
nasa pasarapan (kakwentuhan) !!!
teka, naliligo ka ba lagi?
teka ulit, isyu ba talaga ang walang boyprend?
mag gelprend ka kaya? (dyok!)

(sakura)

puro problema na lang

oist sakura!

nakakasuya na talaga.
lahat ng text at tawag sa
'kin puro problema ang laman.
wala na 'atang katapusan 'to! arrgh!

(jepoy,36)

-----------------

hoy jepoy!

nasusuya ka na nyan?
eh bakit mo binabasa o tinatanggap ang tawag?
bawal ba magpalit ng simpack?
ah, teka, baka mga life-and-death situation?
kamusta ka naman? pareha lang pala tayo kasi ako
puro problema, angal atbp lang din natatanggap ko eh pero
mas masaklap ang sa akin kasi 'di naman ako meh gawa eh yung
sa'yo, kaw ba meh dahilan bakit nagkakaproblema?
pataytayojan. o pa'no, ginagawan mo na ba ng hakbang para
matapos o mabawasan man lang 'yan?
arrgh! ka rin

(sakura)

naghahanap ng sariwa

oist sakura!

baka naman may mairerekomenda ka sa akin
na tsiks. mga ilang buwan na rin kasi
akong tigang at 'di nakakaano...
gusto ko medyo sariwa
mas mabilis uminit eh
kapag ganun.
meron?

(dany, 35)


==================
hoy danny!

sa edad mong 'yan wala ka pang matinong
asawa? abah eh 'di na rin ako magtataka
kung ganun, sa libog mo ba naman?
namimili ka pa ng sariwa ha 'kala mo
napakayaman at napakabango
mo pa. bakit ko alam na hindi???
josme, kung mayaman at mabango ka
eh 'di sana 'di ka sumusulat at naghahanap
ngayon, 'di ba?at anong tingin mo sa akin bugaw?
tumigil ka nga at umayos sa buhay para naman normal
kang lapitan ng matino, 'di yang puro libog laman ng utak mo.
'di ka na bumabata koyah, magbago ka na!

 (sakura)

epal na housemate

oist sakura!

ang epal ng housemate ko!
sinabi sa roommate ko na di sya kumportable kapag 
sa kin natutulog jowa ko gabi-gabi. bakit  ko naman kelangan
magpaalam sa kanya, di naman sa kwarto nya natulog?
sa isang bakanteng kwarto naman, pakelam nya?

(magda, 27)

================

hoy magda!

sino nagpapatulog ng jowa sa bakanteng kwarto?
wala bang murang motel, este, matutulugan sa malapit?
sa 'yo din ba yung bakanteng kwarto? kung sa 'yo okay lang ah.
di naman siguro dapat maging ganun ka hindi-kumportable,
ilang gabi lang naman di ba? teka, gabi gabi ba?
so jaan din jumijingle, umeebak, naliligo, kumakain atbp?
ay, di ba dapat nagpaalam ka rin sa iba kung ganon?
nakialam ba o nagpahiwatig lang na 'di kumportable?
baka madre ang housemate mo? baka titser? baka  inggit?
kung ikaw ang nagpatulog ng iba gabi gabi sa kwartong di sayo
sa bahay na may iba pang nakatira, sinong epal?

(sakura)

nakakainis ang kabaitan

oist sakura!

itong kaibigan ko sobrang bait
kahit inaapi na sya eh nginingitian at
kinakausap pa nya ang umaapi sa kanya.
nakakainis 'di ba?

(poxy, 18)

==============

hoy poxy!

nakakainis nga 'yun, lalo na kung ako
yung umaapi hahaha.. 'di ba kapag nang-aapi ka
gusto mo umiyak at 'di na mamuhay ng normal ang
inaapi mo? pero itong kaibigan mo, meh magic
nakakayanan nya yun?
hmmm.

(sakura)

O.C. na roommate

oist sakura!

ang O.C. ng roommate ko.
araw-araw 'pag dumadating naglilinis
ng kama (at area) nya at nagpapagpag ng
pagkalakas-lakas!
nagwawalis na parang wala ng bukas.
at laging nakasimangot kasi kami
ay 'di gumagaya sa gawa nya.
okay lang sya?

(carissa, 24)

----------------

hoy carissa!

O.C. as in OC talaga?
'di ka pa masaya at mapaglinis sya?
naiingayan ka ba sa pagpag o
naiinis ka sa alikabok 'pag nagpapagpag o
naasar ka kasi feeling mo eh
pinaparamdam nya na dugyot ka?
bakit mo pa pinapansin,
mamatay sya sa kakasimangot!
sino bang papangit sya rin 'di ba?
okay lang ba sya? oo. hindi. ewan.
magwalis at magpagpag ka rin kaya 'pag andiyan sya
lakasan mo rin at sumimangot ka rin-
ano kaya mangyayari?

(sakura)

addict sa FB

oist sakura...

alam mo 'yang facebook?
nakakaadik pala yan 'noh?
adik na ata ako.

(pipoy, 19)

-----------------

hoy pipoy!

ano naman tingin mo sa'kin mangmang
at hindi alam ang fezbuk?
alam ko 'yan pero hindi naman ako na-addict.
ayoko naman magsayang ng oras sa mga bagay na
'di ko pinagkakakitaan bukod lang dito sa
letsugas na blag na ito!
ano namang nakukuha mo jan?
ano namang naitutulong sa'yo nyan?
hindi ka ba nakakalimot gawin
ang ibang gawain dahil jaan?
tama bang maging addict?
anong balak mo?

(sakura)

gusto kong yumaman

oist sakura!

nakakapagod na maging mahirap.
hanggang kelan kaya ako ganito?
gusto ko nang yumaman!
paano ba?

(estong, 22)

==============

hoy estong!

ano ba ginagawa ng mahirap at laging pagod?
ano ba ibig sabihin ng 'mahirap' -
walang makain? walang matirhan?
laging walang pera?
ako ba pinariringgan mo?
hanggang kelan? naku, yan ang hindi ko alam.
ano na ba nagawa mo para maiba naman
ang takbo ng buhay?
paano ba yumaman? aba ewan din.
kung alam ko lang, eh 'di sana mayaman na ako.
ano ba ang 'mayaman' -
maraming pagkain? maraming tirahan?
laging maraming pera? parang ayoko nyan.
pero sakaling malaman mo ang sagot, ang paraan,
ibabahagi mo ba dito?

(sakura)

ayoko na magbasurero

oist sakura!

lagi na lang ako tigatapon
ng basura sa kusina ng dorm namin.
hindi lang naman ako ang nagluluto pero
ako lang ata ang nakakapansin na
iniipis na sya kaya dapat na
itapon. ayoko na!

(dude, 22)

--------

hoy dude!

bakit mo itinatapon lagi kung
hindi lang naman pala ikaw gumagamit?
bakit hindi ka na lang gumawa ng
sarili mong basurahan para yun lang ang itapon mo?
hindi ba pwedeng hindi ka na makiluto rin
sa kusina ninyo para wala ka na isipin
o pandirihan na mga ipis?
kung ayaw mo na, lalo naman ako! ew!

(sakura)

usapang lugi

oist sakura!
ang kapal naman ng mukha nitong tiyahin ko,
sinisingil ako ng mahal sa kuryente.
nagrerenta ako ng kwartong maliit sa kanya eh,
ilaw, maliit na bentilador at charger ang gamit ko.
kapag linggo, tatlong oras lang ako nagla-laptop!
mantakin mong singilin ako ng 1/3 ng bayarin
eh napakarami nilang gamit at halos buong
gabi kung mag TV at bentilador.
nagbayad na lang ako
pero lugi ako di ba?
(chimchim, 30)

----------------------------

hoy chimchim!
bakit sa dami ng marerentahan eh nandiyan ka?
bakit hindi pa kasali sa renta ang kuryente?
bakit di ka na lang magdagdag ng
gamit at wag din magtipid na
gaya nila para di ka lugi?
sabagay, baka lalong tumaas ang bayarin at lalo
kang singilin ng mahal? haaay.
bakit hindi po sabihin ang
punto mo sa tiyahin mo?
boba ba sya? ahhh
kung ganun, talo
ka nga. beh!
(sakura)

kapal ng mukha

oist sakura...


kapal naman ng mukha nitong ex-gelprend
ng ex-boyprend ko. nilalagay nya pa
sa fezbuk profile ang picture nila ng
ex-boyprend ko eh wala
na naman sila matagal na.
'di naman sa nakekealam ako pero
ang kapal talaga nitong babaing ito...
ambisyosang prag!


nanet, 24




-----------------------------------------




hoy nanet!


bakit sinisilip mo fezbuk ng ex-gelprend ng
ex-boyprend mo?
bakit apektado ka pa kung trip nyang ilagay
sa profile ang picture nila ng ex-boyprend mo?
hindi ba pareha na kayong mga ex ng
lalaking 'yan, bakit parang
timang ka at nakikialam sa kilos nitong isa?
kung concern ka lang, 'di kaya maigeng kalimutan mo na?
kung inggit ka lang, bawal bang gayahin mo rin gawa nya?
ay oo, ilagay mo rin ang pic ninyo at itag pa sya!
pati 'yang ex-boyprend ninyo itag mo na rin
para kumpleto ang saya! bozit!


sakura

may dugyot sa palibot

oist sakura!
ang hirap ng buhay kaya nakatira ako sa apartment
na iisa ang banyo ng tatlong unit. okay lang
naman sa akin 'yung hatiang gamit pero
macho ako, mga kakapit-kwarto ay
feeling-sexy at nasusuka ako
kapag nakakakita ng gamit
na napkin na naiwan o 
mga patak ng regla
(minsan tae pa) sa 
sahig. dugyot
sila'di ba?
(ronald, 28)


---------------------------

hoy ronald!
sinubukan mo na bang pagsabihan ang kakapit-kwarto
mo tungkol sa phobia mo sa dugo... o sa ano mang
isyung ito ng masalimuot na buhay mo?
meh phobia ka nga ba sa dugo o
sadyang madirihin ka lang?
wala bang basurahan na meh takip sa banyo?
bakit 'di mo na lang lagyan?
at tungol sa mga patak sa sahig...
wala naman akong masabi kundi - ew! ew! ew!
(at minsan meh tae pa??? totoo???)
ano ba?!!! nasusuka na ako!!!
'wag ka na sumulat dito
please lang!!!
(sakura)

mga rela-thieves

oist sakura!
naaawa na ko sa sarili ko.
lagi na lang akong inuutangan
(parang hinihingian na nga eh kasi
di naman nagbabayad) ng mga kamag-anak ko.
masama kayang tumanggi naman ako?
(rinalyn, 27)


---------------------


hoy rinalyn!
bakit lagi kang inuutangan, marami kang pera?
bakit di sila nagbabayad, di ka naniningil?
(at kahit di nagbayad, pinapautang mo ulit?)
bakit ka naaawa sa sarili mo, tinitipid mo ba sarili
para mapautang lang sila?
masama bang tumanggi? hindi naman siguro.
mas masama yung ganyan ka na lang habambuhay. gets?
(sakura)

wrong timing lagi!

oist sakura!
nakakabadtrip ang housemate ko-wrong timing 
kapag kumakatok- laging nasa 
kasarapan kami ng ano
ng jowa ko. 
kakapagod magtapis at magpanggap
na 'di ako nagpapanic!
wag ko na batiin?
(karina, 28)

------------------------------

hoy karina!
bakit di mo nilalagyan ng 'do not disturb' kwarto mo?
'di kaya wala rin kayo sa oras kapag nag-aano?
malay ba ng housemate mo na nag-aano kayo?
at bakit kayo nag-aano jan?
makati na ba talaga?
bakit 'di mo naman na babatiin?
alam nya ba?
(sakura)

hindi pa ako handa maging ama!

oist sakura...


kakapagod naman mag-trabaho at dagdag pang
magpa-alaga ng anak sa nanay ko...
hindi ko naman gusto 'to eh, ika
nga, produckto ng malaking
katangahan. ngayon ko lang naisip na hindi pa 
pala talaga ako handa maging ama...
ano ba gagawin ko?


(bagani, 22)




------------------------------------------


hoy bagani!


'di mo ba naisip na dakila ka naman at
nariyan pala sa 'yo ang anak mo?
ang ina pala nyan, nasaan?
teka...
'wag mo sabihing nanay mo pinag-aalaga mo
sa bata? anak ng tipaklong naman yan!
ikaw pa may ganang mapagod???
eh...
ikaw ang lumandi at ewan ano pa ang
problema mo sa buhay 'di ko naman
alam...bakit 'di mo na lang
tanggapin na ganyan na?
para naman makapag-move on ka na 'di ba?
umayos sa pagtatrabaho nang 'di maghirap
pansin mo 'di ka nabumabata?
anak ka ng tatay mo-
tatay ka na!


sakura

nakakatawa mukha ko

oist sakura!

minsan parang apektado na ako.
itong mga kaibigan ko kapag dumarating ako
wala pa akong sinasabi eh tumatawa na.
minsan narinig ko sabi nung isa,
nakakatawa raw kasi mukha ko.
tama ba naman yun?

(edgar, 28)

------------------------

hoy edgar!

bakit ka apektado masyado?
masyado ka namang mapag-isip.
ayaw mo pa nun, nakakapagbigay tuwa (tawa)
ka sa kapwa kahit wala ka pang ginagawa
o sinasabi?
'di mo ba naisip na pwede ring mapagkakitaan yan?
paano? ewan. kaw na mag-isip!

(sakura)

PS. saan ka ba pinaglihi?

gusto kong magpari

oist sakura!

gusto kong magpari.
pero ayaw maniwala ng mga kaibigan ko
kahit ng mga kamag-anak ko.
pinagtatawanan nila ako.
bakit?

(buboy, 17)

================

hoy buboy!

gusto mo talaga magpari?
pinag-isipan mo bang maige yan?
tinawag ka na ba? (sa panaginip, sa mga signs et cet)
bakit ayaw nila maniwala?
marami ka bang kalokohang pinaggagagawa na mukhang
kagulat-gulat ang iyong desisiyon?
baka naman may pananagutan ka na? 'di kaya bading ka?
oy, pag-isipan mo muna maige ha kasi ang pagpapari
ay hindi para sa lahat.
at habang nag-iisip ka, basahin mo na rin ang
tanong ni *lala,29* jaan sa baba.
'di kaya magaya ka lang jaan sa pinuproblema nya?

(sakura)

ayoko makita mga klasmeyt ko

oist sakura!

ayoko makita mga klasmeyt ko.
kasi naman kapag nagkikita-kita sila
puro mga kotse at travel pinag-uusapan
eh wala naman ako nun!
okay lang sila?

(darna, 24)

-------------------------

hoy darna!

eh ano ngayon kung puro kotse at
travel pinag-uusapan nila?
eh ano kung wala ka nung mga yun?
eh sila- meron ba kung anong meron ka?
gaya ng sangkatutak na problema?
jowkh lng powhz, jejejejeje.
bawal ba mag-open ng ibang topic?
ano bang topic gusto mo - sex? love? life?
frustrations? friendships? money? religion? politics?
abah abah abah, lume-level up ka na! why not?
okay lang sila. ang tanong
okay ka lang ba?

(sakura)

takbuhan lang lagi!

oist sakura!

asus! akala ko naman eh malalagay na
sa world record ang pasig kasi sa
wakas ay nalinis na yun pala
itong mga organisasyon ay
gagawa na naman ng
fun-run at break
record daw.
asus!

(melay, 19)

-----------------------------

hoy melay!

matagal na madumi at problemado ang pasig 'di ba?
medyo nalinis na sya ngayon 'di ba?
malabo namang ma-world record
yun saka-sakali di ba? asus!
ano bang problema mo sa fun-run at sa pag-break
ng record? 'di ba paraan din yun para
maipaalam at maparamdam sa
karamihan ang hangad?
bakit 'di ka na lang
sumali? ano na ba
nagawa mo para
makatulong?
asus!

(sakura)