matakaw kuya ko

oist sakura!

marami kaming magkapatid
at medyo taghirap ngayon kaya
talagang hati-hati sa ulam sa bahay.
itong kuya ko, sobrang takaw naman,
higit pa sa parte nya ang kinakain kaya
tuloy yung huli sa kainan (kadalasan ako)
eh nauubusan ng ulam.
nakakainis talaga 'di ba?
anong gagawin ko?

(jonjon, 17)

-------------------

hoy jonjon!

ilan kayong magkakapatid- sobrang dami ba?
ngayon lang kayo taghirap? kami mula nuon pa.
sino naghahati-hati ng ulam? tama ba pagkakahati?
kuya ba talaga yang sinasabi mo, bakit
parang bunso kung umasta?
bakit ka nahuhuli lagi sa kainan?
may mga mas mahalaga ka pa bang ginagawa?
baka akala hindi ka na kakain kaya
nanghinayang na magtira pa ang kuya mo?
pero kung dahil sa takaw lang, nakakainis nga!
ano bang dapat mong gawin?
eh 'di wag magpahuli sa
lamesa? obvious ba?
or else, haay.

(sakura)

buhay ko 'to

oist sakura!
nakakapagod na talaga.
parang walang pagbabago sa buhay ko.
ayoko na magtrabaho kasi parang
wala ring kwenta eh.
wag na lang din sana ako pagpayuhan
at pakialaman ng mga kaibigan ko.
buhay ko naman 'to eh.
(patpat, 34)

hoy patpat!
bakit ka napagod na talaga?
mula ba pinanganak ka eh grabe hirap buhay mo?
baka naman mula lang ng magkaloko loko
buhay mo? may sampung taon na?
bakit walang pagbabago sa buhay mo?
sino ba dapat ang gumawa ng pagbabago sa buhay mo?
meron ka pa bang inaasahang iba bukod sa sarili?
paano na ang ibang mga pangangailangan
mo kapag ayaw mo na magtrabaho?
hindi ka naman siguro disabled?
hindi ka rin naman bobo?
anong kinalaman  ng pagpapayo at
pakikialam ng mga kaibigan mo sa
estado mo ngayon? na mukha
namang 'di ka rin nakikinig.
buhay mo nga iyan kaya
ayusin mo mag-isa!
(sakura)

bakit sabi ng sabi ng happy

oist sakura!

bakit 'yang kaibigan ng asawa ko
laging nagtitext sa asawa ko na happy sya?
o 'di sige happy sya tapos?

(tokmol, 29)


-----------


hoy tokmol!

bakit mo alam na laging nag titext sa asawa
mo ang kaibigan nya na happy sya?
nangengealam ka ba ng cp nya?
eh ano ngayon kung nagtext sya
senyo na happy sya? affected ka?
hindi ka ba happy? kung happy din naman
eh 'di deadma na, happy ang lahat!
ano ba talaga ang isyu dito?

(sakura)

puro problema na lang

oist sakura!

nakakasuya na talaga.
lahat ng text at tawag sa
'kin puro problema ang laman.
wala na 'atang katapusan 'to! arrgh!

(jepoy,36)

-----------------

hoy jepoy!

nasusuya ka na nyan?
eh bakit mo binabasa o tinatanggap ang tawag?
bawal ba magpalit ng simpack?
ah, teka, baka mga life-and-death situation?
kamusta ka naman? pareha lang pala tayo kasi ako
puro problema, angal atbp lang din natatanggap ko eh pero
mas masaklap ang sa akin kasi 'di naman ako meh gawa eh yung
sa'yo, kaw ba meh dahilan bakit nagkakaproblema?
pataytayojan. o pa'no, ginagawan mo na ba ng hakbang para
matapos o mabawasan man lang 'yan?
arrgh! ka rin

(sakura)

kung makautang parang may ATM sa 'kin

oist sakura...

grabe ang ate ko ha, kung makautang parang
meh pintagong ATM lang. ni walang
intro o pangangamusta, basta
magsasabi lang ng "baka may extra kang pera
pahiram naman". kung 'di ka rereply eh sasama loob.
at kung 'di ka papautang eh wala ka nang kwenta. linshak!
ano gagawin ko?

gemma west, 25


----------------------------------

hoy gemma west!

hindi kaya may ATM talagang pinatago ate mo sa 'yo?
wala ka bang balak kalkalin at alalahanin, baka mapahiya ka lang!
eh kung wala naman, eh di wala! wala ka bang maipapahiram?
baka naman meron, wag ka madamot!
kasi kung 'di ka nga magpapahiram, wala kang kwenta! LOL
 hindi ba extra naman ang sabi nya?
eh bakit 'di mo replayan na "kahit kelan ate 'di ako nagkaextra!"?
mareply ka para walang samaan ng loob!
magpahiram ka para may kwenta ka!
teka, nagbabayad ba? hindi?!
waaaahhh! bahala ka na!

sakura
 

mamatay na 'ata ako

oist sakura!
mamatay na 'ata ako.
andami kong naiisip at nararamdaman sa
katawan ko na parang mga senyales
na ng aking katapusan!
waaaahhhh!!!
(sally, 30)


-------------


hoy sally!
pa'no mo naman nasiguro na ang mga nararamdaman mo
ay mga senyales na? namatay ka na ba dati?
pa'no mo naman napagtanto na 'yan
na nga ang ending ng mga
senyales kamo?
ano ba ang maige, mag depres-depresan
ka sa nararamdaman mo o mamuhay
ng buo para naman 'pag nadeado
ka eh may kwenta kahit papano?
isa pa, dyos ka ba?
linshak naman...
pwede ba, iba naman ang problemahin mo?
'yang hindi loka-lokang utak mo ang dahilan o solusyon!
kuha mo?!
(sakura)

nakakapagod mapagod

oist sakura...

hindi ba naakapagod na din na

ikaw lang ang tulong ng tulong sa iba

tapos pag ikaw ang nangangailangan

ay wala naman sila?

sam, 31

----------------

hoy sam!

bakit mo naman naitanong yan?

napapagod ka na ba sa pagtulong?

bakit ayaw mo pa tumigil?

hindi ka ba tinulungan ng iba

na sinasabi mo nung nangailangan ka?

ang tanong: nagpatulong ka ba?

sakura

walang makain pero may pamparebond

oist sakura!

parang ang OA naman nitong tita ko.
nagdadrama na sobrang hirap na ng buhay
at halos wala na syang makain pero
nung isang araw nakita ko naman
na nagpa footspa at nakapag
parebond pa ng buhok!
pweh!

(paz, 23)

-----------------


hoy paz!

ikaw ba dinadramahan ng tita mo?
hinihingan ka ba ng pagkain?
kung hindi naman, ano inaangal mo jaan?
napagod ka lang ba kakapakinig?
eh 'di 'wag mo pakinggan!
nag aalala ka ba sa gastos nya?
eh 'di 'wag ka mag alala!
naiinggit ka ba kasi 'di ka makapagpa footspa
at makapag parebond ng buhok kasi inuuna
mo pa pagkain mo kesa sa mga 'yun?
abah, kung nais mong tumulad
sa kanya- go! para magduet
na kayo sa pagdadrama...
oh, ha?

 (sakura)

lagot sa kin ang ama nito

oist sakura!

hayop talaga ama nitong anak ko
hinihingan ko ng pera pampacheck up kasi laging
meh sakit anak namin, tinanong pa ako at hiningan ng
kung anu-ano na parang walang tiwala sa akin.
pag may masamang nangyari sa anak ko, lagot sya!
tama lang na sya sisihin ko di ba?

(lovely, 23)

===========

hoy lovely!

kung hayop ang ama nyan, hayop din anak nyo?
pumapatol ka sa hayop? ew!
gaano ba kalaki kasi hinihingi mo para mag-react
ang hayop (sabi mo) na ama nyan?
parang walang tiwala, o walang tiwala talaga?
baka naman kasi dati naisahan mo na sya?
bakit sya malalagot pag may masamang nangyari sa anak nyo,
sino ba nag-aalaga at kasa-kasama nung bata? hindi ba ikaw?
pwede rin kayang ikaw ang dahilan bakit laging meh sakit?
tama bang sya LANG ang sisihin mo?
ewan ko sayo!

(sakura)

nagkaka UTI lagi

oist sakura!
normal ba ang magka-UTI palagi?
nagkaka UTI ako kapag nag aano kami ng ano ko eh.
pansin ko nga kapag nag aano lang kami pero
kapag hindi naman eh hindi naman.
ansakit at ang kati sobra ha.
ano kaya pwede kong
gawin dito?
(rosarina, 30)

-------------------

hoy rosarina!
ano ba naman tingin mo sa akin doktor?
nagkaka UTI din ako pero hindi naman palagi kaya
'di ko alam kung normal ba yan o ano. pero
ang alam ko, dala yan ng mga bacteria na
malapit sa ano mo na naipapasok ng
ano nya kapag nag aano kayo eh.
gets mo? ikaw nagsimula ng ano ano na yan 'di ba?
naglilinis ba kayo ng mga ano bago mag-ano?
nililinis mo ba ang ano mo pagkatapos?
baka makaiwas ka sa ganun sakali.
sinubukan mo inuman ng maraming maraming tubig?
sinubukan mong inuman ng pure cranberry juice?
sinubukan mong magpacheck-up sa doctor?
sinubukan mong wag na lang mag ano?
subukan mo kaya muna.
ang alin? ang lahat!
bahala ka na!
(sakura)

ginagamit lang ako

oist sakura!

bakit ganun na lang palagi?
'ramdam ko ginagamit lang ako
ng mga kaibigan, kamag-anakan at
kung sinu-sino pang nakakatrabaho ko...
mukha ba talaga akong gamit?

(mistika, 24)

----------------

oist mistika!

bakit ganun na lang palagi?
bakit 'ramdam mo ginagamit ka lang?
paanong ginagagamit?
at paanong pwede kang magamit?
kapag ginagamit ka, alam mo bang ginagamit ka?
kung hindi, bakit hindi mo alam?
at kung hindi mo alam, bakit ka apektado?
kung oo, bakit ka nagpapagamit?
at kung nagpapagamit ka, bakit ka umaangal?
mukha ka bang talagang gamit?
gamitin mo na lang din sila!

(sakura)

chismosang biyenan

oist sakura!

konti na lang talaga mapapatulan ko na
'tong biyenan ko.
hindi lang pakialamera,chismosa pa!
wala nang nakita kundi ako.
hindi porke sa kanila kami nakatira eh
gaganyanin nya ako lagi 'di ba?
alis na kami?

(selina, 36)

---------------

hoy selina!

kapag pinatulan mo ba may mapapala ka-
o baka lumala lang sitwasyon?
ano ba kasing pinakikialaman sayo at iritang irita ka?
ano bang chinichismis tungkol sa'yo at tipong
'di mo na ma-take? chismosa na ba ako?
bakit naman kasi kayo sa kanila nakatira?
'di ka ba napapagod sa ganyang set-up?
bakit hindi pa kayo umalis?
bakit nagtanong ka pa?

(sakura)

addict sa FB

oist sakura...

alam mo 'yang facebook?
nakakaadik pala yan 'noh?
adik na ata ako.

(pipoy, 19)

-----------------

hoy pipoy!

ano naman tingin mo sa'kin mangmang
at hindi alam ang fezbuk?
alam ko 'yan pero hindi naman ako na-addict.
ayoko naman magsayang ng oras sa mga bagay na
'di ko pinagkakakitaan bukod lang dito sa
letsugas na blag na ito!
ano namang nakukuha mo jan?
ano namang naitutulong sa'yo nyan?
hindi ka ba nakakalimot gawin
ang ibang gawain dahil jaan?
tama bang maging addict?
anong balak mo?

(sakura)

ako na lang lagi

oist sakura!

bakit ganito nanay ko at ate ko
at kuya ko? wala nang nakita kundi ako!
wala na ata akong tamang ginawa.
lumayas kaya ako?

(gabby, 16)

=============

hoy gabby!

bakit ganyan ka? wala ka nang nakita
kundi nanay at ate at kuya mo!
wala na ba silang ginawang tama?
pasalamat ka nga nakikita ka nila at siguro nais
maituwid ang pagkabaluktot mo.
makinig ka na lang at subukang kumilos ng wasto.
lalayas ka? san ka pupunta? san ka kukuha ng kakainin mo?
di ka ba mahihiyang magpalaboy-laboy o makituloy
(pasampid sampid) sa kung saan-saan, sinu-sino?
kumain ka kaya muna baka gutom lang yan!
ligpitin mo pinagkainan mo ha,
baka mapagalitan ka na naman.

(sakura)

abnormal daw anak ko

oist sakura...

nalungkot at nainis naman ako 
sa mga narinig kong bulong-bulungan.
abnormal daw anak ko.
eh hindi naman, malikot lang talaga sya.
at baka kakaiba lang sa ibang bata.
patulan ko na?

mariel, 30


-------------------


hoy mariel!

ano bang ibig sabihin ng 'abnormal' talaga?
eh 'di ba 'kakaiba' sa normal? eh ikaw
na nagsabi na kakaiba ang anak mo 'di ba?
bakit ka nalulungkot? 
bakit ka naiinis?
bakit mo pa papatulan?
abnormal ka ba?

sakura

kala nya lang secret

oist sakura!

yung kaibigan ko may secret.
eh nalaman ko. nalaman nya na nalaman ko
kaya kinausap nya ako na isecret lang daw talaga.
ako naman sinecret ko nga pero
nalaman ko na hindi naman pala talaga secret yun.
kasi alam na ng halos lahat except lang sa
tatay nya at dalawang kapatid na lalaki so ang tanong ko.
secret pa ba yun?

(rey, 23)

--------------

hoy rey!

kung secret nya yun bakit nalaman mo?
kung alam mo na pala, bakit pinapasecret pa?
kung hindi na naman pala secret, bakit sinisecret pa?
anong meron sa tatay at sa mga kapatid bakit napakahina
naman ata pumik-up ng mga secret na si secret?
kasi kung sila na lang ang 'di nakakaalam
sa secret, malapit nang mawala ang
secret di ba? so ang tanong ko
anong secret ba yun?

(sakura)

walang kwentang alila

oist sakura!
napakawalang-kwenta naman nitong alila ko.
bukod sa tanghali na gumising eh napakabagal pa kumilos.
at naku ha, pasaway, 'di naliligo ng maayos at ang baho ng kwarto.
dagdag pa, ang bagal ng pick-up, ang hina ng utak!
naku! nauubos na talaga pasensya ko!
paalisin ko na?
(jaya, 45)

------------------------

hoy jaya!
kaya nga alila 'yan kasi hindi kasing talino mo 'di ba?
matalino ka nga ba o naging mas mayaman lang sa kanya?
ano ba talaga problema mo sa kanya- ang kilos?
ang baho ng kwarto? ang kahinaan ng pick-up? o ang paggising
ng tanghali? o lahat-lahat na?
kasi 'di mo pa pinapaalis sa likod ng sobrang daming angal
mo sa alilang iyan, ibig sabihin ay 'di pa ubos ang
pasensya mo, ubusin mo kaya muna!
kelangan bang tawaging alila?
subukan mo kayang
tawaging 'madam'?
malay mo!
(sakura)

usapang lugi

oist sakura!
ang kapal naman ng mukha nitong tiyahin ko,
sinisingil ako ng mahal sa kuryente.
nagrerenta ako ng kwartong maliit sa kanya eh,
ilaw, maliit na bentilador at charger ang gamit ko.
kapag linggo, tatlong oras lang ako nagla-laptop!
mantakin mong singilin ako ng 1/3 ng bayarin
eh napakarami nilang gamit at halos buong
gabi kung mag TV at bentilador.
nagbayad na lang ako
pero lugi ako di ba?
(chimchim, 30)

----------------------------

hoy chimchim!
bakit sa dami ng marerentahan eh nandiyan ka?
bakit hindi pa kasali sa renta ang kuryente?
bakit di ka na lang magdagdag ng
gamit at wag din magtipid na
gaya nila para di ka lugi?
sabagay, baka lalong tumaas ang bayarin at lalo
kang singilin ng mahal? haaay.
bakit hindi po sabihin ang
punto mo sa tiyahin mo?
boba ba sya? ahhh
kung ganun, talo
ka nga. beh!
(sakura)

sikretong tatay

oist sakura!
tatay na ako.
nasa tamang edad naman na ako at
nakatapos na ng pag-aaral pero yung gelprend ko
hindi pa eh. hindi pa kami kasal.
oo alam ko mali pero eto na eh, 'di bale na.
pero pamilya pa lang ng gelprend ko ang meh alam
at ang tatay ko-- kasi nahihiya akong
sabihin sa ibang kapamilya ko eh.
hay, paano ba yan?
(carlito, 22)

-------------------------------

hoy carlito!
tatay ka na? masaya ka dapat nyan!
nasa tamang edad ka na at nakatapos ng pag-aaral 'di ba?
yung gelprend mo hindi pa tapos ng pag-aaral?
hindi pa kayo kasal?  bakit?
alam mong mali? bakit 'di bale na?
pamilya lang ng gelprend mo meh alam?
at ang tatay mo? okay lang kayo?
kelan nyo balak ipagsabi yan?
ngayon ka pa nahiya?
paano nga ba?
(sakura)

sana umalis na sya

oist sakura!
parang nakakabadtrip na ang pinsan ko.
wala nang ginawa sa buhay kundi makikain, makitulog, makigamit
ng mga gamit ko...mabait lang din ako sa kanya kasi hindi
sya nagsusumbong sa mga magulang ko na sa akin
din natutulog ang gf ko minsan.
pa'no ko kaya sasabihing
inis na ako sa kanya?
(gardo, 21)


-----------------------

hoy gardo!
bakit 'di mo pagsabihang humanap na lang ng ibang matitirhan?
bakit 'di mo pagsabihang bumili ng sariling nyang pagkain?
bakit 'di mo pagsabihang 'wag gamitin ang gamit mo?
ay oo nga pala, kasi nga pala may sikreto kang
hindi nya binubulgar 'noh?
pwes! magdusa ka! bwahahaha!
sige na nga, eto ang payong-tanong ko:
bakit 'di mo na lang sabihin sa mga
magulang mo ang lahat?
bakit 'di mo na rin kausapin na lang
ng masinsinan ang pinsan mo?
(sakura)