paubos na pasensya

oist sakura!

paubos na pasensya ko sa kaibigan ko.
lagi na lang meh sinasabing gagawin 
pero hindi naman tinutuloy.
ang masama pa eh hindi naman sya nagpapasabi
na hindi matutuloy kaya't
mamatay ka sa kakaisip o kaya kakaantay.
paubos na talaga.
paubos na.

(misty, 33)

----------------------------

hoy misty!

sinanay mo ba sya na ganyanin ka lagi?
sinubukan mo na bang wag na lang
pansinin ang sinasabing gagawin
nya at tingnan na lang kung
may mangyayari?
umaasa ka pa ba na magbabago pa sya?
kung paubos na, paubos na nga 'yan.
pag ubos na talaga eh
ubos na 'di ba?

(sakura)

negang- nega

oist sakura...


alam mo hindi ko alam kung
maaawa o maiinis ako sa kaibigan ko
sa mga FB wallpost nya.
puro kasi pang-aaway pero hindi
naman nakalagay kung sino ang kaaway
nya. kaya umaga pa lang kapag
nag-e-FB ako eh nawawalan ako
ng gana kasi tumatambad
sa akin ang mga posts nya.
haaaaaaay!


mantoy,35

-------------

hoy mantoy!

hindi mo ba alam na simple
lang ang solusyon sa
pinuproblema mo???

eto:
buksan mo ang profile nya.
hanapin mo ang UNSUBSCRIBE,
'yun! hindi mo na makikita ang
mga posts nya.

o 'di kaya eto:
buksan mo ang profile nya.
hanapin mo ang UNFRIEND o kaya
DELETE from friends list.
ewan, sigurado ako meron nyan.
mag-explore ka nga!

sakura

tomboy pala ang gusto

oist sakura!

naimbyerna naman ako sa kaibigan ko
ipinagtanggol ko na at lahat kasi
inaaway ng ex-boyprend nya
at ngayon ay hinanapan
ko ng lalaking tunay na
makakapagpaligaya sa kanya.
josko! nalaman laman ko na lang
sa tomboy sya napunta!
ano ba yan?!

(jaylo, 30)

---------------------

hoy jaylo!

hiniling ba ng kaibigan mo na
ipagtanggol sya sa nang-aaway na
ex-boyprend nya?
hiniling din ba nya sa'yo na ihanap
sya ng lalaking tunay na
makakapagpaligaya sa kanya?
kung hindi naman eh wag ka na
umangal pa, may balak na naman pala
sya sa buhay nya eh.
paano mo nalaman na sa tomboy napunta?
hindi na ba kayo nag-kakausap?
hindi na ba kayo magkaibigan?
ay, yan ang problema...

(sakura)

hindi namamansin

oist sakura!

hindi ako pinapansin ng bruha kong friend.
marahil kasi sinabi kong walang kwenta
ang boyfriend nya.
eh totoo naman eh, nilalandi lang sya
at inuutangan tapos hindi na
binabayaran.
kamusta naman yun?

(sha, 21)

--------------

hoy sha!

bakit gusto mong pansinin ka pa eh
tinatawag mo na nga syang bruha?
bakit nagtatanong ka pa eh ikaw naman pala
meh kasalanan?
ikaw kaya ang pagsabihan na walang kwenta
ang boyfriend, matutuwa ka ba?
pakelam mo kung inuutangan
sya at 'di binabayaran? pera mo ba yun?
malay mo yung paglalandi ang
bayad sa utang, di kaya?
kamusta ka naman?

(sakura)

buhay ko 'to

oist sakura!
nakakapagod na talaga.
parang walang pagbabago sa buhay ko.
ayoko na magtrabaho kasi parang
wala ring kwenta eh.
wag na lang din sana ako pagpayuhan
at pakialaman ng mga kaibigan ko.
buhay ko naman 'to eh.
(patpat, 34)

hoy patpat!
bakit ka napagod na talaga?
mula ba pinanganak ka eh grabe hirap buhay mo?
baka naman mula lang ng magkaloko loko
buhay mo? may sampung taon na?
bakit walang pagbabago sa buhay mo?
sino ba dapat ang gumawa ng pagbabago sa buhay mo?
meron ka pa bang inaasahang iba bukod sa sarili?
paano na ang ibang mga pangangailangan
mo kapag ayaw mo na magtrabaho?
hindi ka naman siguro disabled?
hindi ka rin naman bobo?
anong kinalaman  ng pagpapayo at
pakikialam ng mga kaibigan mo sa
estado mo ngayon? na mukha
namang 'di ka rin nakikinig.
buhay mo nga iyan kaya
ayusin mo mag-isa!
(sakura)

bakit sabi ng sabi ng happy

oist sakura!

bakit 'yang kaibigan ng asawa ko
laging nagtitext sa asawa ko na happy sya?
o 'di sige happy sya tapos?

(tokmol, 29)


-----------


hoy tokmol!

bakit mo alam na laging nag titext sa asawa
mo ang kaibigan nya na happy sya?
nangengealam ka ba ng cp nya?
eh ano ngayon kung nagtext sya
senyo na happy sya? affected ka?
hindi ka ba happy? kung happy din naman
eh 'di deadma na, happy ang lahat!
ano ba talaga ang isyu dito?

(sakura)

lalayas nako sa FB group

oist sakura...

gusto ko na lumayas sa FB group ko

kasi ang admin eh nakakaasar.

post nya, like nya, comment nya pa!

wala pa sa tono magbiro kala mo

eh super ka-close nya lahat

at super ka-edad nya eh gurang na

sya noh! isa pa, kung makapag-ingles

kala mo naman meh natapos sa kolehiyo

eh ang rinig ko eh wala!

ginalyn, 19

-----------

hoy ginalyn!

kung gusto mo lumayas, eh di lumayas ka!

bawal ba lumayas kapag sumali ka sa FB group?

paki mo sa post nya, like nya at comment nya?

eh group nya yun eh, gawa ka ng group mo

kung gusto mo at gayahin mo sya! LOL

ka-close nya naman siguro at ka-edad nya

lahat sa feeling nya so deadma na!

anong problema mo sa pag-ingles nya?

di mo ba naiintindihan o nabobozit ka lang?

di ka ba pwede mag-ingles ingles din?

kahit naman siguro ikaw eh sasang-ayon

sa akin na di lahat ng nakatapos ng

kolehiyo eh may kwenta...pero lahat ba ng

magaling mag-ingles ay may kwenta?

sakura

eh ano kung walang dyos

oist sakura...


tulungan mo naman ako sa aking
problema dito sa kaibigan ko.
medyo 'di ko na kasi keri 
'yung lagi nyang pagsabi
na walang dyos...
'di naman ako relihiyoso pero
katoliko ako...pero kaya ko naman
syang kaibiganin pero nakakasawa na 
'yung lagi nyang sinasabi na walang dyos
at kung anu-ano pang mga tinatanong nya
sa akin tungkol sa dyos at sa mga nasa bibliya..


samuel, 20


-----------------------------




hoy samuel!


hindi ba pwedeng pagsabihan mo nang
derecho yang kaibigan mo na 'di mo na gusto
ang lagi nyang pagbanggit at pagkwento sa'yo ng
kung anu-ano tungkol sa paniniwala nya?
kung kaibigan mo talaga sya
eh hindi 'yan mawawala sa'yo bangkus
ay mapapaisip sya ...kesa naman ikaw ang
namumrublema nang hindi nya alam 'di ba?
ano palang problema kapag tinatanong ka?
hindi ka siguro makasagot noh?
aba 'di kaya panahon na para matuto ka?
para 'di ka na matameme sa kanya?
at teka, kung naniniwala syang
walang dyos, bakit ba parang
mas lagi nya pang naiisip ang
dyos kesa sa iyo?
hmmmm...


sakura

nakikipagbati kasi mangungutang

oist sakura!

hmp! walang kwenta 'tong kaibigan ko kuno

inaway ako ng todo, halos isumpa ako. .

ilang buwan ko ring iniyakan kasi
naman ---wala akong kasalanan!

at ngayo'y okay na ako.

tapos bigla bigla, marinirinig ko lang

makikipagbati raw. ha? bakit?
abah, narinig ko rin - wala na
syang ibang mauutangan at kapos na
kapos. ano sakura? batiin ko na?


(valiente, 45)


--------------------------------------------------


hoy valiente!


kung walang kwenta, bakit mo kinakaibigan?
kung pinaiyak ka, bakit oras ay iyong nilalaan?
kung halos isumpa ka, bakit anjan pa sa isipan?
ayan tuloy, ako'y napatula na lang!
ngayong alam mo na, anong balak pa?
makipagbati para mautangan na?
ewan ko sa'yo, ewan kung addict ka
o tunay na nagmamahal lang sa tanga...
ikaw? anong gusto mo? bati na talaga?
ay! mag isip ka kaya muna---
sya ba'y sa iyo, ganon kahalaga?
ikaw ba'y siguradong may ipapautang pa?


sakura

maibabalik ko pa kaya?

oist sakura!

yung bespren ko ‘di na ako pinapansin.
nagalit ata sa ‘kin kasi meh gusto nalaman nya
na kapwa babae na ang gusto ko.
pa’no na yan, wala na bang paraan para
maibalik pagkakaibigan namin?
sayang naman.
(marshmallow, 28)



hoy marshmallow!
sapat ‘bang dahilan na itakwil ka ng kaibigan ang
pagkakaroon ng puso para sa kapwa babae?
wala na kayang ibang malalim lalim na
dahilan ang pag-iwas o ‘di papansin sa’yo?
gaano ba kahalaga ang pagkakaibigan ninyo para sa ‘yo?
wala ka na bang ibang maisip na paraan
upang maibalik ang pagkakaibigan nyo
kundi ang magtanong dito?
subukan mo kaya syang tanungin ng derecho?
siguradong handa ka ba sa sagot?
lalong sayang na kung hindi ka
gagawa ng hakbang…
(sakura)

echuserang hippo

oist sakura!

una hindi ko naman ka-close itong
echuserang ito. hamak na sidekick
lang siguro sya ng isa kong kakilala.
bakit kung mag-react eh parang
napakaraming alam sa world???
at kung makaasta eh kala mo
sundalong na warshock???
makealam ba sa usapan ng iba?
makegalitgalitan ba sa isyung
mukhang 'di naman sya kasali???
KSP ba itez?

 (mcdogurl, 28)


---------------------------------

hoy mcdogurl!

bakit ba pinag-aaksayahan mo ng panahon
ang echuserang ito kung 'di mo naman feel?
bakit ka ba affected sa kanyang pangengelam?
kasali ka ba sa isyung sinisingitan nya?
baka naman masyadong pamoso ang isyung
ito at nakikiambon lang sya ng limelight...
hindi kaya? weh, baka nga! kawawa naman.
pa'no naman naging warshock? bukod sa
nangengealam ba eh nang aaaway pa?
josko! ang extra gusto bumida?
eh kung ganun, ano ba ang dapat gawin---
ang patuloy na mainis at patulan sya
o putulin ang kanyang pangarap na
sumikat??? papano??? alam mo na yan!

 (sakura)

PS. bakit echuserang hippo ang tawag mo
sa kanya dito? tama bang iassume ko na
mukha syang hippo? haroooojosko!

bobong sikat

oist sakura!

medyo nakakasama ng loob.
bakit itong bobong kakilala ko eh
patuloy ang pagsikat?

(echo, 25)

===============

hoy echo!

kakilala mo lang o kaibigan?
di kaya dapat matuwa ka na lang kasi kahit
bobo sya (sabi mo) eh sumisikat sya?
baka naman naiinggit ka kasi (feeeling mo)
matalino ka pa sa kanya pero di ka sikat?
baka naman magaling talaga dumiskarte?
magpaambon ka na muna ng kasikatan
habang di mo pa panahon.

(sakura)

nakakainis ang kabaitan

oist sakura!

itong kaibigan ko sobrang bait
kahit inaapi na sya eh nginingitian at
kinakausap pa nya ang umaapi sa kanya.
nakakainis 'di ba?

(poxy, 18)

==============

hoy poxy!

nakakainis nga 'yun, lalo na kung ako
yung umaapi hahaha.. 'di ba kapag nang-aapi ka
gusto mo umiyak at 'di na mamuhay ng normal ang
inaapi mo? pero itong kaibigan mo, meh magic
nakakayanan nya yun?
hmmm.

(sakura)

ginagamit lang ako

oist sakura!

bakit ganun na lang palagi?
'ramdam ko ginagamit lang ako
ng mga kaibigan, kamag-anakan at
kung sinu-sino pang nakakatrabaho ko...
mukha ba talaga akong gamit?

(mistika, 24)

----------------

oist mistika!

bakit ganun na lang palagi?
bakit 'ramdam mo ginagamit ka lang?
paanong ginagagamit?
at paanong pwede kang magamit?
kapag ginagamit ka, alam mo bang ginagamit ka?
kung hindi, bakit hindi mo alam?
at kung hindi mo alam, bakit ka apektado?
kung oo, bakit ka nagpapagamit?
at kung nagpapagamit ka, bakit ka umaangal?
mukha ka bang talagang gamit?
gamitin mo na lang din sila!

(sakura)

kala nya lang secret

oist sakura!

yung kaibigan ko may secret.
eh nalaman ko. nalaman nya na nalaman ko
kaya kinausap nya ako na isecret lang daw talaga.
ako naman sinecret ko nga pero
nalaman ko na hindi naman pala talaga secret yun.
kasi alam na ng halos lahat except lang sa
tatay nya at dalawang kapatid na lalaki so ang tanong ko.
secret pa ba yun?

(rey, 23)

--------------

hoy rey!

kung secret nya yun bakit nalaman mo?
kung alam mo na pala, bakit pinapasecret pa?
kung hindi na naman pala secret, bakit sinisecret pa?
anong meron sa tatay at sa mga kapatid bakit napakahina
naman ata pumik-up ng mga secret na si secret?
kasi kung sila na lang ang 'di nakakaalam
sa secret, malapit nang mawala ang
secret di ba? so ang tanong ko
anong secret ba yun?

(sakura)

wag na kasi mag-ingles

oist sakura!
'di ko alam kung maiinis ako o
matatawa o maaawa dito sa
kakilala ko. ang baho kasi
ng pang-i-ingles. josko.
pwede ba ipapulis?
(jerry, 35)

-----------------------------

hoy jerry!
bawal bang mainis sa maling ingles? at ba't ka apektado?
bawal bang matawa ng konti? ba't pinipigilan mo?
bawal bang maawa at tumulong?
'di ba mas maigeng yan gawin?
ipapulis????? wag naman!
kaibigan mo ba 'yan? pagpayuhan mo!
kaw papulis ko jan eh! amp!
(sakura)

inaagawan ng kaibigan

oist sakura...


bakit naiinis ako sa pinsan ko?
lahat na lang kasi ng kinakaibigan ko
ay kinakaibigan nya tapos parang
naagawan uloy ako ng kaibigan.
tama ba na 'di ko na lang sya pansinin
at mag-pokus na lang ako sa mga
kaibigan ko at iparamdam sa kanya
na 'di sya kasali sa mundo ko?


yenyen, 30


---------------

hoy yenyen!

hindi kaya masyadong matanda ka na
para sa mga selos o inggit o mga
isyung teritoryo pagdating sa
pagkakaibigan o pakikipagkaibigan?
ang alam ko sa mga dramang ganito ay
usapang pang-elementary eh...
agawan ng kaibigan? HAHAHA

hindi mo ba pwedeng pasalamatan na
lang kasi ang pinsan mo ay hindi
isnabera sa mga kakilala o mga
kaibigan mo. eh ano kung
makipag-kaibigan din sya duon?
pag-aari mo ba 'yung mga taong yun?
mahiya ka naman. teka, may takot
ka ba kasi mas maigeng kaibiganin
ang pinsan mo kesa sa iyo? at baka
mamulat sa katotohanan mga kaibigan
mo na may lahing bruha ka? (jowk)

ewan ko sa 'yo! kung sasagutin
ko lang ng diretso ang tanong mo eh eto
ang mga sagot- tanungin mo sarili mo.
at eto pa - gawin mo kung kaya mo, pero
walang sisihan kung sa huli
mag-iisa ka na lang sa
sinasabi mong mundo.

amen?

sakura

palpak pa rin

oist sakura!

kahit ako ang masama ang loob
gumawa ako ng paraan na
maging okay kami.
tinawagan ko sya at ibinalita na top5
si ms.philippines sa miss universe.
nagalit pa, bakit kailangan ko
pa daw itawag ang miss
miss na yan!
grrrr!

(benuz, 23)

-------------------

hoy benuz!

kung ikaw masama loob bakit kaw pa gumawa ng paraan?
'di ba pwedeng sya naman mag-effort?
gusto mo maging santo?
at bakit sa lahat ng pwede mong ibalita
'yung miss universe pa?
pakelam nga naman
nya dun!
at josmeh! antagal
tagal tagal tagal
na nun! hmp!

(sakura)

porke matalino mayabang

oist sakura!

'di ko maintindihan ang mga pinagkukwentuhan
ng mga kaibigan ko kasi ingles sila
ng ingles tapos may mga acronym pa sila
na 'di ko alam ano ibig sabihin
tapos pag nagtatanong ako
nagtatawanan lang. hmp!
porke ba matatalino sila eh
magyayabang na?

(drew, 21)

----------------------

hoy drew!

ikaw ba ang kakwentuhan kaya't
pinuproblema mo yan?
gaano ba kahalaga sa'yo na malaman ang mga 'yun
at sobrang sama ng loob mo?
sinubukan mo na ba mag dogpile.com para lang
magka-ideya ka kung ano yun kung
ayaw ka nilang sagutin?
sigurado ka bang ikaw ang pinagtatawanan
o praning ka lang?
kapag nag-i-ingles at nag-a-acronym ba
eh matalino na? O.I.S., I.M.H.O. hindi naman siguro noh?
at kapag matatalino ba ay may karapatan na magyabang? L.O.L.
malay mo japeyks ang mga iyan.
chillax ka nga! research!

(sakura)

negosyo ko scam daw

oist sakura!

nakakainis naman
kung kelan nagiging okay na ang negosyong
pinasok ko ngayon tsaka pa ako pinagsasabihan
ng mga kaibigan ko na scam daw yun.
anova! eh totoong kayang kumita ako noh!
nabawi ko na nga ng ilambeses ang jis mil+ na puhunan ko
at andami ko na ngang nabiling kung anu-ano...
tapos ngayon pinamumukha nila sa akin scam daw.
paano pa ako magre-recruit nyan?

(abraham, 28)

--------------------------------


hoy abraham!

ano ba kasi 'yang negosyo na 'yan?
pa'no ka ba napasok diyan? jis mil+?
bakit ganyan na lang kung mag-reak mga kaibigan mo?
hindi kaya may basehan sila?
hindi kaya may nabasa o nalaman sila tungkol sa negosyong
yaan at nag-aalala lang sila para sa iyo?
sinubukan mo na bang aralin ang lahat tungkol sa
sinasabi mong negosyo? tiningnan mo na ba lahat ng
legalidad at kung anu-anong ek-ek ukol jaan?
hindi pa? susme! simulan mo na!
hindi kaya mas may kwenta ang oras mo kung
aralin mo ang mga sinasabi ng kaibigan mo 
kesa sa sumasama ang loob mo jaan? 
andali kaya malaman ng totoo
sa panahong ito 'di ba?
nag-aalala ka pa pa'no pa magre-recruit eh
'di ka na nga sigurado?  huh! mandadamay ka pa?!
makunsensya ka...aralin mo ulit! 
hoy! nakatanga pa 'to. now na!

(sakura)