ang tamad ng boss ko

oist sakura

sobrang tamad ng boss ko
laging nasa bakasyon
at lahat ng trabaho eh naiiwan sa amin
pero syempre di namin ginagawa
kaya andaming naiinis sa min
kasi lagi kaming huli at
apektado na ang iba.
tanong: tama namang di namin gawin di ba?
gawain nya yun at sobrang triple pa sweldo
nya sa amin. pano kung sisantehin kami?


marky baby, 50





------------------------------------

hoy marky baby!

kaya mo nasabing tamad kasi nagbabakasyon?
kaya mo nasabing tamad kasi di ginagawa trabaho
at laging nagbabakasyon?
kaya mo nasabing tamad kasi naiiwan senyo 
ang trabaho at laging nagbabakasyon?
sa iniwang trabaho mahirap ba gawin?
kung mahirap, bakit di mo sinsabi?
kung mahirap, bakit di ka nagpapatulong?
kung hindi mahitap, bakit di mo ginagawa?
kasi gawain nya dapat?
kasi siniswelduhan sya para gawin yun?
kamusta ka naman, hindi pa ba palpak ang gawain mo?
papano nga kung masisisante ka kapag nagkagulo gulo?
may papupuntahan ka ba?
may malaking ipon ka na ba?
sa palagay mo, wala na ba talagang magagawa?

sakura

wala daw pambayad ng renta

oist sakura!

ilang buwan ko na sinisingil 'tong mga umuupa sa min
pero wala daw pambayad.
grabe naman, dati pinatira ko sila nang walang advance
o deposit kasi naawa ako pero parang sobra na to ah
pati buwanang renta di nila magawan paraan.
paano na ito?

(delilah, 42)

===========

hoy delilah!

bakit mo kasi pinatira ng walang deposit o
advance eh di talo ka ngayon?
nagnenegosyo ka ba o nagpapatakbo ng ampunan?
paano? eh di paalisin! sus! siguro naman matatanda na
yang mga yan para dumiskarte noh?
pwede ba akong umupa sa inyo?

(sakura)

malibog na gurang

oist sakura!

mag-reresign na ako sa pagkasekretarya.
kasi ba naman andaming
pinapagawa sa'kin na
'di na sakop ng trabaho ko.
ang pinakamasaklap pa, yung boss ko na
gurang inaya ba naman ako
magcheck-in! goodness!

(babe, 30)


----------------------

hoy babe!

sigurado ka na ba sa desisyon mong magresign?
hindi kaya 'di mo lang keri mga demands
ng work kaya hirap ka?
bakit ka naman inaya ng gurang boss
na magcheck-in?
'kaaya-aya' ba ang personalidad mo?
watayminiz, chura mo ba ay
tipong pumapayag sa
ganon?
hmmmmmmmm

(sakura)

eh ano kung walang dyos

oist sakura...


tulungan mo naman ako sa aking
problema dito sa kaibigan ko.
medyo 'di ko na kasi keri 
'yung lagi nyang pagsabi
na walang dyos...
'di naman ako relihiyoso pero
katoliko ako...pero kaya ko naman
syang kaibiganin pero nakakasawa na 
'yung lagi nyang sinasabi na walang dyos
at kung anu-ano pang mga tinatanong nya
sa akin tungkol sa dyos at sa mga nasa bibliya..


samuel, 20


-----------------------------




hoy samuel!


hindi ba pwedeng pagsabihan mo nang
derecho yang kaibigan mo na 'di mo na gusto
ang lagi nyang pagbanggit at pagkwento sa'yo ng
kung anu-ano tungkol sa paniniwala nya?
kung kaibigan mo talaga sya
eh hindi 'yan mawawala sa'yo bangkus
ay mapapaisip sya ...kesa naman ikaw ang
namumrublema nang hindi nya alam 'di ba?
ano palang problema kapag tinatanong ka?
hindi ka siguro makasagot noh?
aba 'di kaya panahon na para matuto ka?
para 'di ka na matameme sa kanya?
at teka, kung naniniwala syang
walang dyos, bakit ba parang
mas lagi nya pang naiisip ang
dyos kesa sa iyo?
hmmmm...


sakura

mamatay na 'ata ako

oist sakura!
mamatay na 'ata ako.
andami kong naiisip at nararamdaman sa
katawan ko na parang mga senyales
na ng aking katapusan!
waaaahhhh!!!
(sally, 30)


-------------


hoy sally!
pa'no mo naman nasiguro na ang mga nararamdaman mo
ay mga senyales na? namatay ka na ba dati?
pa'no mo naman napagtanto na 'yan
na nga ang ending ng mga
senyales kamo?
ano ba ang maige, mag depres-depresan
ka sa nararamdaman mo o mamuhay
ng buo para naman 'pag nadeado
ka eh may kwenta kahit papano?
isa pa, dyos ka ba?
linshak naman...
pwede ba, iba naman ang problemahin mo?
'yang hindi loka-lokang utak mo ang dahilan o solusyon!
kuha mo?!
(sakura)

manigas sya

oist sakura!
dapat ba ako makunsenysa?
nainlove ako sa friend ko na may gelprend
na pero 'di na naman sya gaanong
pinapansin nung gelprend nya ewan bakit.
kasalanan ko bang mainlove ako sa kanya?
kasalanan ko bang mainlove sya sa akin?
kami na ng friend ko at sigurado ako
wala na sila ng gelprend nya kasi
'di na nga nagkocommunicate 'diba?
so may kasalanan ako?
sa palagay ko wala! wala! wala!
(kompyuzd, 27)

hoy kompyuzd!
dapat ka ba makunsenysa na nainlove ka?
kasalanan mo bang mainlove ka sa kanya?
kasalanan mo bang mainlove sya sa 'yo?
'di na nga nagkocommunicate 'diba?
so may kasalanan ka?
sa palagay ko wala! wala! wala!
pero siniguro mo na ba?
mahirap magpunas ng dugo kapag
nagkagulo gulo na!
(sakura)

walang makain pero may pamparebond

oist sakura!

parang ang OA naman nitong tita ko.
nagdadrama na sobrang hirap na ng buhay
at halos wala na syang makain pero
nung isang araw nakita ko naman
na nagpa footspa at nakapag
parebond pa ng buhok!
pweh!

(paz, 23)

-----------------


hoy paz!

ikaw ba dinadramahan ng tita mo?
hinihingan ka ba ng pagkain?
kung hindi naman, ano inaangal mo jaan?
napagod ka lang ba kakapakinig?
eh 'di 'wag mo pakinggan!
nag aalala ka ba sa gastos nya?
eh 'di 'wag ka mag alala!
naiinggit ka ba kasi 'di ka makapagpa footspa
at makapag parebond ng buhok kasi inuuna
mo pa pagkain mo kesa sa mga 'yun?
abah, kung nais mong tumulad
sa kanya- go! para magduet
na kayo sa pagdadrama...
oh, ha?

 (sakura)

naghahanap ng sariwa

oist sakura!

baka naman may mairerekomenda ka sa akin
na tsiks. mga ilang buwan na rin kasi
akong tigang at 'di nakakaano...
gusto ko medyo sariwa
mas mabilis uminit eh
kapag ganun.
meron?

(dany, 35)


==================
hoy danny!

sa edad mong 'yan wala ka pang matinong
asawa? abah eh 'di na rin ako magtataka
kung ganun, sa libog mo ba naman?
namimili ka pa ng sariwa ha 'kala mo
napakayaman at napakabango
mo pa. bakit ko alam na hindi???
josme, kung mayaman at mabango ka
eh 'di sana 'di ka sumusulat at naghahanap
ngayon, 'di ba?at anong tingin mo sa akin bugaw?
tumigil ka nga at umayos sa buhay para naman normal
kang lapitan ng matino, 'di yang puro libog laman ng utak mo.
'di ka na bumabata koyah, magbago ka na!

 (sakura)

'di na masaya sa trabaho

oist sakura!

hindi na talaga ako masaya sa trabaho ko.
as in hindi na talaga!
magresign na kaya ako?

(jinkee, 34)

============

hoy jinkee!

ano ba trabaho mo?
ano bang trabaho ang pwedeng laging magpasaya?
kaya nga 'job' ang tawag jan eh, gaya nung 'b-job' - 'di sya masaya!
(natutuwa lang yung ginagawan, hmp!)
pag-apply mo ba meh nakalagay ba sa kontrata na
pasasayahin ka ng kompanya?
sa palagay ko, WALA!
ikaw lang pwedeng makagawa nung para sa sarili mo noh!
subukan mo kayang imajinen na gaya ka nung ibang
na hanggang ngayon eh below minimum kinikita at pati katawan
bugbog na kakatrabaho eh 'di pa rin kasya?
resign? mabuti pa!
para mapalitan yang pwesto mo ng sinumang mas nangangailangan
ng pasweldo, masaya man o hindi.
bwahahaha!!!

(sakura)

nagkaka UTI lagi

oist sakura!
normal ba ang magka-UTI palagi?
nagkaka UTI ako kapag nag aano kami ng ano ko eh.
pansin ko nga kapag nag aano lang kami pero
kapag hindi naman eh hindi naman.
ansakit at ang kati sobra ha.
ano kaya pwede kong
gawin dito?
(rosarina, 30)

-------------------

hoy rosarina!
ano ba naman tingin mo sa akin doktor?
nagkaka UTI din ako pero hindi naman palagi kaya
'di ko alam kung normal ba yan o ano. pero
ang alam ko, dala yan ng mga bacteria na
malapit sa ano mo na naipapasok ng
ano nya kapag nag aano kayo eh.
gets mo? ikaw nagsimula ng ano ano na yan 'di ba?
naglilinis ba kayo ng mga ano bago mag-ano?
nililinis mo ba ang ano mo pagkatapos?
baka makaiwas ka sa ganun sakali.
sinubukan mo inuman ng maraming maraming tubig?
sinubukan mong inuman ng pure cranberry juice?
sinubukan mong magpacheck-up sa doctor?
sinubukan mong wag na lang mag ano?
subukan mo kaya muna.
ang alin? ang lahat!
bahala ka na!
(sakura)

ginagamit lang ako

oist sakura!

bakit ganun na lang palagi?
'ramdam ko ginagamit lang ako
ng mga kaibigan, kamag-anakan at
kung sinu-sino pang nakakatrabaho ko...
mukha ba talaga akong gamit?

(mistika, 24)

----------------

oist mistika!

bakit ganun na lang palagi?
bakit 'ramdam mo ginagamit ka lang?
paanong ginagagamit?
at paanong pwede kang magamit?
kapag ginagamit ka, alam mo bang ginagamit ka?
kung hindi, bakit hindi mo alam?
at kung hindi mo alam, bakit ka apektado?
kung oo, bakit ka nagpapagamit?
at kung nagpapagamit ka, bakit ka umaangal?
mukha ka bang talagang gamit?
gamitin mo na lang din sila!

(sakura)

ayoko na nitong antibiotic

oist sakura!

ayoko na nitong antibiotic
nakakasuka na inumin.
tutal magaling na naman ako eh.
itigil ko na kaya?

(abby, 28)

-------------------

hoy abby!

doktor ka? di ba sabi sampung araw mo
dapat inumin yan? pang-ilang araw na ba?
kung di pa umabot ng sampu, di mo pa nga pwedeng itigil yan
o itigil mo kung gusto mo pero bahala ka kung ano
mangyayari sa iyo sa susunod.
narinig mo yung 'antibiotic resistance' or teka,
'resistance to antibiotics' ba yun?
i-dogpile.com mo na lang, tinatamad ako eh.
subukan mo ring tanungin doktor mo ha
para mapagalitan ka. hahaha

(sakura)

addict sa FB

oist sakura...

alam mo 'yang facebook?
nakakaadik pala yan 'noh?
adik na ata ako.

(pipoy, 19)

-----------------

hoy pipoy!

ano naman tingin mo sa'kin mangmang
at hindi alam ang fezbuk?
alam ko 'yan pero hindi naman ako na-addict.
ayoko naman magsayang ng oras sa mga bagay na
'di ko pinagkakakitaan bukod lang dito sa
letsugas na blag na ito!
ano namang nakukuha mo jan?
ano namang naitutulong sa'yo nyan?
hindi ka ba nakakalimot gawin
ang ibang gawain dahil jaan?
tama bang maging addict?
anong balak mo?

(sakura)

ako na lang lagi

oist sakura!

bakit ganito nanay ko at ate ko
at kuya ko? wala nang nakita kundi ako!
wala na ata akong tamang ginawa.
lumayas kaya ako?

(gabby, 16)

=============

hoy gabby!

bakit ganyan ka? wala ka nang nakita
kundi nanay at ate at kuya mo!
wala na ba silang ginawang tama?
pasalamat ka nga nakikita ka nila at siguro nais
maituwid ang pagkabaluktot mo.
makinig ka na lang at subukang kumilos ng wasto.
lalayas ka? san ka pupunta? san ka kukuha ng kakainin mo?
di ka ba mahihiyang magpalaboy-laboy o makituloy
(pasampid sampid) sa kung saan-saan, sinu-sino?
kumain ka kaya muna baka gutom lang yan!
ligpitin mo pinagkainan mo ha,
baka mapagalitan ka na naman.

(sakura)

kala nya lang secret

oist sakura!

yung kaibigan ko may secret.
eh nalaman ko. nalaman nya na nalaman ko
kaya kinausap nya ako na isecret lang daw talaga.
ako naman sinecret ko nga pero
nalaman ko na hindi naman pala talaga secret yun.
kasi alam na ng halos lahat except lang sa
tatay nya at dalawang kapatid na lalaki so ang tanong ko.
secret pa ba yun?

(rey, 23)

--------------

hoy rey!

kung secret nya yun bakit nalaman mo?
kung alam mo na pala, bakit pinapasecret pa?
kung hindi na naman pala secret, bakit sinisecret pa?
anong meron sa tatay at sa mga kapatid bakit napakahina
naman ata pumik-up ng mga secret na si secret?
kasi kung sila na lang ang 'di nakakaalam
sa secret, malapit nang mawala ang
secret di ba? so ang tanong ko
anong secret ba yun?

(sakura)

sikretong tatay

oist sakura!
tatay na ako.
nasa tamang edad naman na ako at
nakatapos na ng pag-aaral pero yung gelprend ko
hindi pa eh. hindi pa kami kasal.
oo alam ko mali pero eto na eh, 'di bale na.
pero pamilya pa lang ng gelprend ko ang meh alam
at ang tatay ko-- kasi nahihiya akong
sabihin sa ibang kapamilya ko eh.
hay, paano ba yan?
(carlito, 22)

-------------------------------

hoy carlito!
tatay ka na? masaya ka dapat nyan!
nasa tamang edad ka na at nakatapos ng pag-aaral 'di ba?
yung gelprend mo hindi pa tapos ng pag-aaral?
hindi pa kayo kasal?  bakit?
alam mong mali? bakit 'di bale na?
pamilya lang ng gelprend mo meh alam?
at ang tatay mo? okay lang kayo?
kelan nyo balak ipagsabi yan?
ngayon ka pa nahiya?
paano nga ba?
(sakura)

wag na kasi mag-ingles

oist sakura!
'di ko alam kung maiinis ako o
matatawa o maaawa dito sa
kakilala ko. ang baho kasi
ng pang-i-ingles. josko.
pwede ba ipapulis?
(jerry, 35)

-----------------------------

hoy jerry!
bawal bang mainis sa maling ingles? at ba't ka apektado?
bawal bang matawa ng konti? ba't pinipigilan mo?
bawal bang maawa at tumulong?
'di ba mas maigeng yan gawin?
ipapulis????? wag naman!
kaibigan mo ba 'yan? pagpayuhan mo!
kaw papulis ko jan eh! amp!
(sakura)

nangangatog sa kaba

oist sakura!
taragis! ninenerbyos ako!
nangangatog sa kaba.
whooo!
(carl, 27)

---------------------------

hoy carl!
kung kinakabahan eh dapat bang magmura?
bakit ka nga ba kinakabahan?
meh magawa ka bang
kahindik-hindik?
kung wala naman, pwede ba, chillax!
taena! nakakahawa ka!
(sakura)

wag daw mag wallpost sa FB nya

oist sakura!
sabi ng gelprend ko wag daw ako mag wallpost
o mag comment sa FB nya. tinanong ko bakit
sabi lang baka may magchismis o mang-asar.
so 'di na lang ako nagpaparamdam duon.
pero pwede na daw ako magmessage.
dapat ba ako matuwa na?
(raymart, 30)

------------------

hoy raymart!
gelprend mo ba talaga yan o feeling mo lang?
bakit bawal mag wallpost o magcomment?
bakit naman takot sya machismis o
ma-asar kung kayo nga talaga?
may dapat ba syang itago?
hindi kaya hindi sya kampante na ipakilala ka sa
mundo nya - mga kaibigan at kamag-anakan?
baka nahihiya lang sa ingles mo? joke!
kapag nagmessage ka naman eh sya
lang din makakabasa eh so baka
nga gusto nya sikreto ka muna.
dapat ka na ba matuwa?
ikaw? natutuwa ka ba?
san ka matutuwa eh
'di dun na lang.
bwahahaha!
(sakura)

kami pa kaya

oist sakura!

nakakalito.
magjowa nga kami pero
bihira kami magkita
wala daw kasi syang pera.
'di rin sya gaano nagti-text o
e-mail man lang.
kami pa kaya?

(trizia, 25)


-------------------

hoy trizia!

sinubukan mo bang tumawag sa sinasabi mong jowa mo?
sinubukan mo rin bang itanong sa kanya
ang tanong mo dito?
kelangan ba ng pera para magkita kayo?
babaeng-bayaran ka ba?
ilang buwan na kayong ganyan?
kayo pa nga kaya?

(sakura)