marupok ako eh!

oist sakura


binugbog ako ng asawa ko
kasi late na ako nakauwi minsan
nasugat ako kasi nabasag ang baso
at natabig ng kamay ko
ayun lumayas ako pero bumalik din
nag sorry sya eh.
tama ba?


trinnie, 43



----------------------------

hoy trinie!

binugbog ka tapos nasugatan ka?
binugbog ka tapos lumayas ka?
binugbog ka tapos bumalik ka?
binugbog ka tapos magpapakatanga ka
na naman tapos tatanungin mo ako kung tama ba,
kung tama bang patawarin kasi nag sorry?

siguro mabuti pa
hanap ka ng ibang kausap noh?

ginagalit mo ako eh---

sakura

maganda pero walang boyprend

oist sakura!

'di sa pagmamayabang ha, maganda naman talaga ako.
lagi nga akong nananalo sa beauty contest eh pero
bakit ganun? wala pa akong boyprend.
bakit walang nanliligaw sa akin?
samantalang yung mga pangit dito eh
ang gaganda ng lovelife.

(mariafe, 19)

=============

hoy mariafe!

o sya, maganda ka na at laging nananalo sa
mga beauty contest pero ang tanong, charming ka ba?
matalino (kahit smart lang ng konti) ka ba?
kasi naman, kapag maganda ka lang- sipol at pagnanasang
ikama lang ang aabutin mo sa mga lalaki.
bakit 'di kaya pag-isipan mo ulit?
kung bakit ang mga pangit (sa opinyon mo) sa paligid mo
ay namumulaklak ang lovelife at ikaw ay itlog.
'di kaya wala kang kwentang kausap?
minsan kasi wala sa pagandahan eh,
nasa pasarapan (kakwentuhan) !!!
teka, naliligo ka ba lagi?
teka ulit, isyu ba talaga ang walang boyprend?
mag gelprend ka kaya? (dyok!)

(sakura)

naghahanap ng sariwa

oist sakura!

baka naman may mairerekomenda ka sa akin
na tsiks. mga ilang buwan na rin kasi
akong tigang at 'di nakakaano...
gusto ko medyo sariwa
mas mabilis uminit eh
kapag ganun.
meron?

(dany, 35)


==================
hoy danny!

sa edad mong 'yan wala ka pang matinong
asawa? abah eh 'di na rin ako magtataka
kung ganun, sa libog mo ba naman?
namimili ka pa ng sariwa ha 'kala mo
napakayaman at napakabango
mo pa. bakit ko alam na hindi???
josme, kung mayaman at mabango ka
eh 'di sana 'di ka sumusulat at naghahanap
ngayon, 'di ba?at anong tingin mo sa akin bugaw?
tumigil ka nga at umayos sa buhay para naman normal
kang lapitan ng matino, 'di yang puro libog laman ng utak mo.
'di ka na bumabata koyah, magbago ka na!

 (sakura)

'di na masaya sa trabaho

oist sakura!

hindi na talaga ako masaya sa trabaho ko.
as in hindi na talaga!
magresign na kaya ako?

(jinkee, 34)

============

hoy jinkee!

ano ba trabaho mo?
ano bang trabaho ang pwedeng laging magpasaya?
kaya nga 'job' ang tawag jan eh, gaya nung 'b-job' - 'di sya masaya!
(natutuwa lang yung ginagawan, hmp!)
pag-apply mo ba meh nakalagay ba sa kontrata na
pasasayahin ka ng kompanya?
sa palagay ko, WALA!
ikaw lang pwedeng makagawa nung para sa sarili mo noh!
subukan mo kayang imajinen na gaya ka nung ibang
na hanggang ngayon eh below minimum kinikita at pati katawan
bugbog na kakatrabaho eh 'di pa rin kasya?
resign? mabuti pa!
para mapalitan yang pwesto mo ng sinumang mas nangangailangan
ng pasweldo, masaya man o hindi.
bwahahaha!!!

(sakura)

gusto kong yumaman

oist sakura!

nakakapagod na maging mahirap.
hanggang kelan kaya ako ganito?
gusto ko nang yumaman!
paano ba?

(estong, 22)

==============

hoy estong!

ano ba ginagawa ng mahirap at laging pagod?
ano ba ibig sabihin ng 'mahirap' -
walang makain? walang matirhan?
laging walang pera?
ako ba pinariringgan mo?
hanggang kelan? naku, yan ang hindi ko alam.
ano na ba nagawa mo para maiba naman
ang takbo ng buhay?
paano ba yumaman? aba ewan din.
kung alam ko lang, eh 'di sana mayaman na ako.
ano ba ang 'mayaman' -
maraming pagkain? maraming tirahan?
laging maraming pera? parang ayoko nyan.
pero sakaling malaman mo ang sagot, ang paraan,
ibabahagi mo ba dito?

(sakura)

sana umalis na sya

oist sakura!
parang nakakabadtrip na ang pinsan ko.
wala nang ginawa sa buhay kundi makikain, makitulog, makigamit
ng mga gamit ko...mabait lang din ako sa kanya kasi hindi
sya nagsusumbong sa mga magulang ko na sa akin
din natutulog ang gf ko minsan.
pa'no ko kaya sasabihing
inis na ako sa kanya?
(gardo, 21)


-----------------------

hoy gardo!
bakit 'di mo pagsabihang humanap na lang ng ibang matitirhan?
bakit 'di mo pagsabihang bumili ng sariling nyang pagkain?
bakit 'di mo pagsabihang 'wag gamitin ang gamit mo?
ay oo nga pala, kasi nga pala may sikreto kang
hindi nya binubulgar 'noh?
pwes! magdusa ka! bwahahaha!
sige na nga, eto ang payong-tanong ko:
bakit 'di mo na lang sabihin sa mga
magulang mo ang lahat?
bakit 'di mo na rin kausapin na lang
ng masinsinan ang pinsan mo?
(sakura)

gusto kong magpari

oist sakura!

gusto kong magpari.
pero ayaw maniwala ng mga kaibigan ko
kahit ng mga kamag-anak ko.
pinagtatawanan nila ako.
bakit?

(buboy, 17)

================

hoy buboy!

gusto mo talaga magpari?
pinag-isipan mo bang maige yan?
tinawag ka na ba? (sa panaginip, sa mga signs et cet)
bakit ayaw nila maniwala?
marami ka bang kalokohang pinaggagagawa na mukhang
kagulat-gulat ang iyong desisiyon?
baka naman may pananagutan ka na? 'di kaya bading ka?
oy, pag-isipan mo muna maige ha kasi ang pagpapari
ay hindi para sa lahat.
at habang nag-iisip ka, basahin mo na rin ang
tanong ni *lala,29* jaan sa baba.
'di kaya magaya ka lang jaan sa pinuproblema nya?

(sakura)

sana naman masabi ko

oist sakura


may konting problema ako
nabuntis ko gelprend ko
nanganak na nga sya
at may baby na ako
pero sakura, ang gulo ng isip ko
ang gulo kasi hanggang ngayon
'di pa alam ng pamilya nya
ang nangyari sa amin.
wala akong pera pa kasi
nahihiya ako humarap sa kanila.


edmundo, 20


---------------------------------------




hoy edmundo!


konting problema lang talaga yan sa'yo?
ayuz ka ah...ikaw, sige, sinabi mo eh.
congrats nga pala ama ka na?
hindi ka ba nahiya sa sarili
mo at sa anak mo na
ama ka nga 'ala ka
pa ring bayag?
oo na, magulo na ang isip mo
oo na, wala ka pang kamong pera
pero juicemeh tama bang itago yan sa kanila?
tama bang mahiya ka pa sa lahat ng mga nagawa na?
'di kaya ang maigeng gawin ay umamin ka na?
kumilos ka na at pangatawanan ang bata?
kalimutan ang hiya at iharap ang sanggol sa madla?
sabagay, mahirap nga kung naumpisahan
mo na ang lito at gulo at antay ng
kung anu-ano...
so pa'no ba pare?
kailan? kapag mayaman ka na? ngek!
kailan? kapag may tapang ka na? ngek!
kailan? kapag lahat ay huli na? ngek!


(sakura)

'di naman pinangatawanan

oist sakura!
nakakainis ka naman!
lagi ako nasilip dito eh huling
gawa mong maramihan eh antagal na.
wala bang bago?
wala na bang sumusulat sa 'yo?
o baka naman tinatamad ka na sumagot.
ano ba? gagawa gawa ka nito
'di mo naman pinangangatawanan!

(bebehgehl, 30)

------------------------

hoy bebehgehl!

pa bebehbebehgehl ka pa eh trenta ka na pala!
ano bang paki mo kung nananahimik ako?
malay ko ba na araw-araw ka
naghihintay? eh 'di sana nung isang taon mo
pa sinabi 'yan eh bakit 2015 na?
eh sa napagod ako magbukas ng email eh!
eh sa tinamad ako bigla eh!
eh sa andami ko pang ginagawang mas importante!
eh sa ...eh sa... eh sa nalimutan ko 'to eh!
sorry! tao lang!

(sakura)

gusto lang mag-negosyante

oist sakura!

napapagod na ako dito sa buhay ko at
sa pagiging kasama sa negosyo ng pamilya.
wala rin kasing kwenta ilang taon na.
gusto ko na nga umalis kaya lang
wala naman akong mapuntahan.
ayoko maghanap ng trabaho,
matanda na kasi ako.
magnenegosyo na lang ako.
ayos 'di ba?

(marco, 34)

----------------------------

hoy marco!

mas nakakapagod ba ang buhay mo sa buhay ng basurero?
mas maige ba ang mag-isa kesa kasosyo pamilya?
ano ang ibig sabihin ng may kwenta at wala?
kung gusto umalis, bakit ayaw umalis?
kung walang mapuntahan, bakit 'di gumawa paraan?
bakit ayaw mo maghanap ng trabaho?
matanda sobra na ba talaga ang 34?
hindi ba't depende na lang 'yan sa kakayanan?
pagsisikap? pagpapasenya at pagtitiyaga?
magnegosyo? bakit hindi?
anong negosyo naman?
may pampuhunan ka na?
kung ganun, eh gudlak!

(sakura)

ang daya nya

oist sakura!
ang daya naman ng dating jowa ko.
buntis na pala 'di man lang ako sinabihan.
wala naman akong masamang nais
okay lang sana na nabati ko sya
ng congrats 'di ba?
(elmer, 35)


hoy elmer!
laro ba yan at may daya daya ka pang nalalaman?
eh ano kung buntis sya, ikaw ba ang ama
at kailangan ay malaman mo agad?
nais mo lang bumati ng congrats?
susme, eh 'di mag congrats ka!
para namang bawal na bumati kapag malaki na ang
tyan o kahit pa nailabas na ang bata!
ano ba talaga problema mo?
okay ka lang? bitter!
(sakura)

gusto kong kumanta

oist sakura!

gusto kong kumanta.
okay lang kaya?

(she-ra, 33)


-----------------

hoy she-ra!

ikaw ba yung superheroine nung kapanahunan ko?
kung ikaw nga- sa lakas ng boses mo, pwede!
ang tanong, nasa tono ka ba?
itanong mo muna sa iba ha kasi kung
ikaw lang ang sasagot at sasabihin mong 'oo'
hay naku, magdududa ako.

(sakura)

pabigat daw ako

oist sakura...


pabigat daw ako sabi ng kuya ko
yan din ang sabi ng nanay ko
yan din ang naiisip ko
siguro nga pabigat ako noh?
ang hirap kasi maghanap ng trabaho
kapag walang pamasahe at ewan
matanda na kasi ako
kaya madalas TV
na lang. takas sa mundo!
pagod na ako!


(marietta, 38)


-------------------------------------------


hoy marietta!


pongyetta ka
nagtanong ka pa kung pabigat ka
eh yan naman pala sabi ng ate mo at kuya
at yan na rin ang sabi ng isip mong malagaga.
oh sige, tapos na ang usapan
napagod ka na makipagsapalaran
kasi nga't kapos ka at may katandaan.
pero kung TV at TV ang nasa harapan
eh hindi ka nga naman pagaan!
kung hindi ka pagaan- ano ka?
kung hindi ka pabigat o sya! sya!
anong pwede mong gawin para maging pagaan?!
isip! kilos! isip! kilos! isip! kilos!
ikaw na lang please, ikaw na ang tumapos!


(sakura)

new year na, ganun pa rin

oist sakura!
wala rin namang kwenta ang new year!
wala namang nagbago!
ganun at ganun pa rin lahat!
nakakabwisit ang buhay!
walang pera lagi!
pweh!
(tado, 34)

hoy tado!
tarantado ka pala eh...
new year na new year puro nega ka!
may nagawa ka bang may kwenta para magka
kwenta ang new year na ito sa buhay mo?
may nagawa ka bang effort para may
magbago naman sa buhay mo?
ano bang yang nambobozit sa 'yo at
parang adik na adik sa ganyan?
itapon mo na yan!
bakit ka wala laging pera?
teka, may trabaho ka ba?
may negosyo ka ba?
may mana o pensyon ka ba?
kung wala, anong inaangal mo?
eh 'di magsumikap ka! tado ka!
(sakura)

ayaw i-add sa FB

oist sakura!

yung ex ko 'di pa rin ako ina-add sa FB nya.
matagal ko na alam na may FB sya at
alam nya na may FB din ako eh
bakit ayaw nya ako i-add?
(liezel, 28)



hoy liezel!
ano naman pakelam mo sa ex mo at FB nya?
kaya nga ex 'di ba, wala nang 'y' (why) pa?
eh ano kung matagal na sya may FB?
eh ano kung alam nyang may FB ka?
eh ano kung ayaw ka nya i-add?
bakit 'di na lang ikaw mag-add?
mamamatay ka ba 'pag 'di ka
in-aacept? bwahaha!
goodluck!
(sakura)