pesteng linta

oist sakura!

badtrip 'tong kasamahan ko ha.
ibinigay ko sa kanya hati ko sa bayad ng
ilaw at tubig pero nalaman ko na ilaw lang
binayaran nya at sinabi sa meh-ari 
ng bahay na nirerentahan namin
na wala pa raw pambayad sa
tubig. bonggang kawatan!

(ayeh, 28)

-------------------------

hoy ayeh!

baka naman hiniram lang...
bakit 'di mo kausapin at itanong
kung ano talaga ang nangyari?
teka, bakit nga pala hindi
rin sinabi sa 'yo?
aba, baka naman ikaw na isinumbong
nyan na 'di nagbayad, lagot ka!
'wag mo na patagalin pa!
pwede mo rin naman kausapin ang
meh-ari 'di ba? go! now na!

(sakura)

panget daw ako

oist sakura!

boypren ng kasamahan ko sa boarding house pinaringgan ako.
sabi pa 'kung sino pa daw panget, sya pang suplada'.
matangkad nga sya pero 'di naman sya
kagwapuhan, kagaguhan kamo! lagi dito sa boarding house
nakikikain, nakikitulog at nag-iingay na parang taga-dito din.
aber, pa'no ako 'di magsusuplada at
'di papangit kung sa araw araw na ginawa
ng bathala eh nandun sya?

(marla, 35)

==============

hoy marla!

nakita ko ang picture na nilakip mo dito,
'di ka naman pangit ah
medyo maitim ka nga lang pero balanse ang mukha mo---
ilong, mata, bibig at pisngi at makinis isken
inpernez! (ayan ha, duda ka pa ba?)
hindi kaya KSP lang yun?
baka kaya meh gusto 'syo? wag mo na patulan!
(o kaya patulan mo kapag kayo lang bwahahahaha)
kawawa naman- namumulubi siguro...
walang ibang makainan? (kunyari pa sweet lang na gusto sabay)
walang matirhan? (baka pinambili ng yosi at alak ang pang renta)
walang pinag-aralan? (baka bobo lang talaga, meh ganun eh)
walang maayos na patnubay ng magulang? (wala akong mailagay dito)
pagsabihan mo---wala naman syang karapatang
maglagi duon at magdemand or mag expect pa ng kindness di ba?
kapag umalma yung kasamahan mo (yung ugok na gelpren),
bigyan mo ng mag-asawang irap!
pati ata tuloy ako biglang nabozit sa sitwasyon mo!
baka ako pumangit nito! tse!

(sakura)

lalayas nako sa FB group

oist sakura...

gusto ko na lumayas sa FB group ko

kasi ang admin eh nakakaasar.

post nya, like nya, comment nya pa!

wala pa sa tono magbiro kala mo

eh super ka-close nya lahat

at super ka-edad nya eh gurang na

sya noh! isa pa, kung makapag-ingles

kala mo naman meh natapos sa kolehiyo

eh ang rinig ko eh wala!

ginalyn, 19

-----------

hoy ginalyn!

kung gusto mo lumayas, eh di lumayas ka!

bawal ba lumayas kapag sumali ka sa FB group?

paki mo sa post nya, like nya at comment nya?

eh group nya yun eh, gawa ka ng group mo

kung gusto mo at gayahin mo sya! LOL

ka-close nya naman siguro at ka-edad nya

lahat sa feeling nya so deadma na!

anong problema mo sa pag-ingles nya?

di mo ba naiintindihan o nabobozit ka lang?

di ka ba pwede mag-ingles ingles din?

kahit naman siguro ikaw eh sasang-ayon

sa akin na di lahat ng nakatapos ng

kolehiyo eh may kwenta...pero lahat ba ng

magaling mag-ingles ay may kwenta?

sakura

abnormal ba sila???

oist sakura!
abnormal ba itong mga kapitbahay ko?
(tomtom, 20)

-----------


hoy tomtom!
ay, bat ako tinatanong?
oo? abnormal sila?
(sakura)

nagkaka UTI lagi

oist sakura!
normal ba ang magka-UTI palagi?
nagkaka UTI ako kapag nag aano kami ng ano ko eh.
pansin ko nga kapag nag aano lang kami pero
kapag hindi naman eh hindi naman.
ansakit at ang kati sobra ha.
ano kaya pwede kong
gawin dito?
(rosarina, 30)

-------------------

hoy rosarina!
ano ba naman tingin mo sa akin doktor?
nagkaka UTI din ako pero hindi naman palagi kaya
'di ko alam kung normal ba yan o ano. pero
ang alam ko, dala yan ng mga bacteria na
malapit sa ano mo na naipapasok ng
ano nya kapag nag aano kayo eh.
gets mo? ikaw nagsimula ng ano ano na yan 'di ba?
naglilinis ba kayo ng mga ano bago mag-ano?
nililinis mo ba ang ano mo pagkatapos?
baka makaiwas ka sa ganun sakali.
sinubukan mo inuman ng maraming maraming tubig?
sinubukan mong inuman ng pure cranberry juice?
sinubukan mong magpacheck-up sa doctor?
sinubukan mong wag na lang mag ano?
subukan mo kaya muna.
ang alin? ang lahat!
bahala ka na!
(sakura)

O.C. na roommate

oist sakura!

ang O.C. ng roommate ko.
araw-araw 'pag dumadating naglilinis
ng kama (at area) nya at nagpapagpag ng
pagkalakas-lakas!
nagwawalis na parang wala ng bukas.
at laging nakasimangot kasi kami
ay 'di gumagaya sa gawa nya.
okay lang sya?

(carissa, 24)

----------------

hoy carissa!

O.C. as in OC talaga?
'di ka pa masaya at mapaglinis sya?
naiingayan ka ba sa pagpag o
naiinis ka sa alikabok 'pag nagpapagpag o
naasar ka kasi feeling mo eh
pinaparamdam nya na dugyot ka?
bakit mo pa pinapansin,
mamatay sya sa kakasimangot!
sino bang papangit sya rin 'di ba?
okay lang ba sya? oo. hindi. ewan.
magwalis at magpagpag ka rin kaya 'pag andiyan sya
lakasan mo rin at sumimangot ka rin-
ano kaya mangyayari?

(sakura)

ayoko na magbasurero

oist sakura!

lagi na lang ako tigatapon
ng basura sa kusina ng dorm namin.
hindi lang naman ako ang nagluluto pero
ako lang ata ang nakakapansin na
iniipis na sya kaya dapat na
itapon. ayoko na!

(dude, 22)

--------

hoy dude!

bakit mo itinatapon lagi kung
hindi lang naman pala ikaw gumagamit?
bakit hindi ka na lang gumawa ng
sarili mong basurahan para yun lang ang itapon mo?
hindi ba pwedeng hindi ka na makiluto rin
sa kusina ninyo para wala ka na isipin
o pandirihan na mga ipis?
kung ayaw mo na, lalo naman ako! ew!

(sakura)

usapang lugi

oist sakura!
ang kapal naman ng mukha nitong tiyahin ko,
sinisingil ako ng mahal sa kuryente.
nagrerenta ako ng kwartong maliit sa kanya eh,
ilaw, maliit na bentilador at charger ang gamit ko.
kapag linggo, tatlong oras lang ako nagla-laptop!
mantakin mong singilin ako ng 1/3 ng bayarin
eh napakarami nilang gamit at halos buong
gabi kung mag TV at bentilador.
nagbayad na lang ako
pero lugi ako di ba?
(chimchim, 30)

----------------------------

hoy chimchim!
bakit sa dami ng marerentahan eh nandiyan ka?
bakit hindi pa kasali sa renta ang kuryente?
bakit di ka na lang magdagdag ng
gamit at wag din magtipid na
gaya nila para di ka lugi?
sabagay, baka lalong tumaas ang bayarin at lalo
kang singilin ng mahal? haaay.
bakit hindi po sabihin ang
punto mo sa tiyahin mo?
boba ba sya? ahhh
kung ganun, talo
ka nga. beh!
(sakura)

may dugyot sa palibot

oist sakura!
ang hirap ng buhay kaya nakatira ako sa apartment
na iisa ang banyo ng tatlong unit. okay lang
naman sa akin 'yung hatiang gamit pero
macho ako, mga kakapit-kwarto ay
feeling-sexy at nasusuka ako
kapag nakakakita ng gamit
na napkin na naiwan o 
mga patak ng regla
(minsan tae pa) sa 
sahig. dugyot
sila'di ba?
(ronald, 28)


---------------------------

hoy ronald!
sinubukan mo na bang pagsabihan ang kakapit-kwarto
mo tungkol sa phobia mo sa dugo... o sa ano mang
isyung ito ng masalimuot na buhay mo?
meh phobia ka nga ba sa dugo o
sadyang madirihin ka lang?
wala bang basurahan na meh takip sa banyo?
bakit 'di mo na lang lagyan?
at tungol sa mga patak sa sahig...
wala naman akong masabi kundi - ew! ew! ew!
(at minsan meh tae pa??? totoo???)
ano ba?!!! nasusuka na ako!!!
'wag ka na sumulat dito
please lang!!!
(sakura)

nangangatog sa kaba

oist sakura!
taragis! ninenerbyos ako!
nangangatog sa kaba.
whooo!
(carl, 27)

---------------------------

hoy carl!
kung kinakabahan eh dapat bang magmura?
bakit ka nga ba kinakabahan?
meh magawa ka bang
kahindik-hindik?
kung wala naman, pwede ba, chillax!
taena! nakakahawa ka!
(sakura)

wrong timing lagi!

oist sakura!
nakakabadtrip ang housemate ko-wrong timing 
kapag kumakatok- laging nasa 
kasarapan kami ng ano
ng jowa ko. 
kakapagod magtapis at magpanggap
na 'di ako nagpapanic!
wag ko na batiin?
(karina, 28)

------------------------------

hoy karina!
bakit di mo nilalagyan ng 'do not disturb' kwarto mo?
'di kaya wala rin kayo sa oras kapag nag-aano?
malay ba ng housemate mo na nag-aano kayo?
at bakit kayo nag-aano jan?
makati na ba talaga?
bakit 'di mo naman na babatiin?
alam nya ba?
(sakura)

duda ako sa pinsan ko

oist sakura!

nagdududa na ako sa pinsan ko.
mula nung magresign kasi sya sa trabaho eh
lagi lang sya sa boardinghouse namin.
yung boyprend ko lagi ring nandun.
medyo gabi na ako nakakauwi.
parang kinakabahan ako,
baka meh nangyayari na sa kanila.

(rosa, 26)

-------------------

hoy rosa!

bakit ka nagdududa sa pinsan mo? malandi ba?
bakit sya nagresign? (teka, isyu ba ito?)
bakit laging nasa boardinghouse nyo ang boyprend mo?
wala ba syang trabaho o ginagawa?
bakit gabi ka na nakakauwi?
bakit ka kinakabahan?
malakas ba talaga kutob mo na meh
nangyayari na nga sa kanila?
bakit 'di mo subukang umuwi ng wala sa oras
nang malaman mo?
handa ka na ba?

(sakura)

sana bingi ako

oist sakura!

sana bingi na lang ako.
problema ko talaga ang talas ng
pandinig ko, andami kong naririnig.
ansakit sa ulo at minsan nakakasuya na.
nakakarinig ako ng pagclick ng mouse.
nakakarinig ako ng kilitian, kwentuhan at chismisan.
nakakarinig ako ng ungol at paghilik at paghinga ng iba.
nakakasuka na!

(maria, 33)

--------------------

hoy maria!

susmaryosep ka!
para yan lang gusto mo na maging bingi?
'di mo ba naisip na swerte yan?
simple lang problema mo ah.
mag- earplugs ka!

(sakura)

pusang ina sya

oist sakura!

pusang ina ang nanay ko!
pusang ina sya talaga!
sinugod ba naman ako sa dorm at
hinamon ng away at ang sabi pa eh kasalanan
ko lahat ng kamalasan sa buhay nya!
sinaktan pa ako at nilagyan pa
ng pulbos ang pagkain ko!
pusang ina sya 'di ba?
pusang ina sya!

(dina, 22)


------------------------

hoy dina!

bakit ka sinugod ng nanay mo sa dorm?
bakit ka hinamon ng away ng nanay mo sa dorm?
bakit ka pinagbibintangan ng nanay mo na ikaw ang dahilan
ng kamalasan sa buhay nya at sinaktan ka jaan sa dorm?
teka, bakit ka nga ba nagpipirmi riyan sa dorm?
bakit naman nilagyan nya ng pulbos?
napagkamalan nya bang asin?
teka, kulang ba sa asin?
pusang ina ba talaga ang tawag sa ganyang nanay?
ang alam ko sa pusang ina ay mapagmahal sa
kuting eh,baka hindi pusang ina yan!
bukod sa nasaktan ka, apektado ka nga ba?
talaga bang may ganun kang kapangyarihan para
magdala ng sangkatutak na kamalasan?
nakakatakot ka naman pala.
hindi ba't lahat ng nangyayari sa buhay natin ay tayo tayo lang
din ang may gawa? hindi ba't ang nangyari sa buhay ng
nanay mo ay sya lang din ang may gawa?
'di ba parang magulo na rin ako?
oo nga. magulo na!

(sakura)

naiipit sa tren

oist sakura!

may paraan ba para makasakay
sa LRT o MRT na 'di naiipit?
sobrang 'di ko na 'ata kaya!

(norbert, 26)

-------------------------

hoy norbert!

may iba pa bang paraan
ng pagsakay sa tren?
pare-pareha lang naman ah.
kaya ka naiipit kasi talagang masikip 'yan
kapag rush hour. maige yan kasi kahit
'di ka kumapit, 'di ka matutumba!
sa bungad na estasyon ka kaya sumakay o kaya sa 
9-10am at 2-3pm lang- meh posibilidad na 'di ka
maipit sa mga oras na 'yan.
teka, mataba ka ba?

(sakura)

porke kinakaibigan eh gusto na

oist sakura!

porke ba kinakaibigan mo ang tao
eh meh gusto ka na sa kanya?
ang labo naman nun!

(tiago, 22)


--------------


hoy tiago!

ano ba naman kasi ang isyu talaga?
anong bang ibig sabihin ng 'kinakaibigan'?
hindi kaya inaaya mo magmotel?
binibigyan mo ba ng pera, alahas o
mamahaling gamit? naku! maleh!
o kinakawayan at kinakamusta
mo lang at pinagapayuhan
paminsan-minsan? ...kasi
kung ganun, 'di kaya may topak yan?
lumayo layo ka na at baka
maglakad ka ng walang ulo kapag
nakipag'kaibigan' ka jaan.
ewan. malabo ka rin eh.

(sakura)

nagdadalagang ina

oist sakura!

hindi ko alam kung maaawa ako o maiinis
o mandidiri dito sa kaibigan kong ito.
meh asawang tao eh laging 
nagsasasama sa amin ng
mga kabarkada ko sa
aming inuman kaya
tuloy nagkakagulo sila 
ng asawa nya, at napagkakamalan
tuloy syang nakikipaglandian sa amin
kasi nga naman mukhang ganon na nga.
papano ko ba iiwasan itong tila nagdadalagang
ina na ito? papano ko ba ipapaliwanag
sa iba pang nagtataas-kilay na
hindi naman namin nilalandi
ito at pinapakisamahan
lang? papano ba 'to?

(nickoy, 35)





---------------




hoy nickoy!

kaibigan mo ba talaga yan- eh bakit hindi mo
mapagsabihan ng derechahan? - bakit hindi mo
matimbrehan ang asawa sa pinaggagawa?
bakit naman kasi may reyna sa inuman nyo?
hindi kaya naiibigan nya ang pagtanggap
nyo kaya nawiwili sya ng pagsama
sa inyo? hindi ba pwedeng
kausapin nyo sa kapehan yan at
hindi sa inuman at pagsabihan
habang hindi pa huli ang lahat?
teka, hindi pa ba huli ang lahat? hindi kaya
pati kayo ay daan din ng pagkasira
ng kanyang pamilya? malalim na
akusasyon na ba? hindi ah!
tanong nga lang eh!
sa mga tanong mo kung papano, eh
baka naman alam mo na ang sagot, hindi pa ba?

(sakura)

wala namang alam

oist sakura!

anong problema ng isang tao dito?
sabat ng sabat sa isyu eh 'di
naman alam kung ano
talaga 'yun.
basta lang may maisabat, tira ng tira!
nagsasawa na ako sa kakabasa
ng sabat nya. kalerkey!

(doodz, 45)

----------------

hoy doodz!

sinong tao jaan ang sinasabi mo?
ano nga ba problema nya?
at ano bang problema mo sa pagsabat nya?
dahil nga kaya sa isyu mo na feeling mo
wala syang alam o dahil sa gusto sya
pakinggan ng dating sayo lang
nakikinig? umayos ka nga!
kung nagdidiskusyon kayo, 'di ba pwede
mo namang sabihin ang nais mo?
kung naiinis ka sa kanya, 'di ba pwede
mo naman syang deadmahin?
ano ba problema mo?
'wag ka magbasa!
kakalerkey ka!

(sakura)

buntis na

oist sakura!

housemate ko buntis na.
lagi kasi pinapapunta boyprend nya dito
sa boarding house namin eh.
yung dating housemate namin na lalaki
nabuntis naman gelprend nya kasi
lagi nya ring pinapapunta dito.
napapaligiran ako ng mga malibog!
nakakatakot baka mahawa ako.

(ronalyn, 23)

---------------------

hoy ronalyn!

kapag pinapapunta ba mga jowa eh
kelangan meh nangyayaring kababalaghan?
bakit naman 'di mo 'ata namamalayan  na ginagawa
na palang motel yaang tinitirhan mo?
eh nabuntis sila kasalanan mo pa ba yun?
natatakot ka ba ba talaga o naiinis
o baka naman naiinggit?
kung natatakot ka na mahawa talaga
gusto mo ng dobleng sampal?
ano yan bulutong-tubig? sore eyes?
naniniwala ka ba talagang nakakahawa
ang pagkamalibog? ipa-exorcise kaya kita!
asikasuhin mo na lang ang sarili
mo at huwag na silang isipin.
kanya-kanyang trip 'to!

(sakura)

nasaniban ata

oist sakura!

itong kapatid ko'ng may pamilya na
ay 'di ko ma gets ang drama!
magti-text at mangangamusta pagkatapos ay
tatanungin ka kung may kinakain ka pa, 
nakakaloka 'di ba? kung kakamustahin
mo naman ay sasagutin kang okay
lang sya at may pahabol pang
"mas okay pa ako kesa sa'yo"
'di kaya nasasaniban na ito?
ano ba talaga ang drama nya?

(maelene, 36)

--------------------------------

hoy maelene!

sigurado ka bang hindi lang drawing ang kapatid
mo na iyan? kakaiba naman at mukhang
nakahithit 'ata ng katol! hindi kaya?
pinapalabas ba nya na wala ka na'ng makain?
wala ka na nga ba'ng makain? mukhang meron pa naman siguro,
nakakainternet ka pa eh at mukhang wala namang malubhang karamdaman
sa litratong nilakip mo...at bakit may mga pahabol pang ganun ang
ibang text nya? may malaking pagkakautang ka ba sa kanya?
kung wala naman, anong karapatan nyang
mambozit ng ganyan?
talaga bang hindi ka na okay? kung hindi ka nga okay o
totoong mas okay sya kesa sa iyo, ano pa rin ang drama nya at
kelangan nya pang sabihin yun? teka, ako nga pala ang tinatanong mo ano?
sa totoo lang, 'di ko rin sya ma gets. autistic ba sya? nahulog sa
duyan nuong bata pa? uhaw sa atensyon at kalinga?
o trip lang talagang mang-asar? abah!
'di kaya maigeng ipamental nyo na sya?
magpakalayo-layo ka na kasi mukhang tama ka
sa dudang nasasaniban sya. tsk tsk kawawa
naman. gudlak! na lang ha?

(sakura)