wala akong pamusta

oist sakura!

nakakalungkot naman.
wala akong pamusta sa sabong.
anlaki rin ng mapapanalunan sakali.
may pera ka ba diyan?

(goryo, 42)

-----------------

hoy goryo!

nalulungkot ka kasi wala kang pamusta?
kamusta naman 'yan, samantalang
ang iba nalulungkot kasi
walang makain.
ano bang meron sa sabong na yan
at nahuhumaling kayo?
ang alam ko napakaraming maybahay ang
naiinis kasi una nyo pang hinihimas ang manok
kesa sa kanila. haysabagay, 'di mo naman
pwedeng isabong ang maybahay mo
at kainin kapag natalo 'di ba?
wala akong pera!
at kahit meron, bakit ko naman ipupusta?
eh kung natalo? boozet!

(sakura)

pabigat daw ako

oist sakura...


pabigat daw ako sabi ng kuya ko
yan din ang sabi ng nanay ko
yan din ang naiisip ko
siguro nga pabigat ako noh?
ang hirap kasi maghanap ng trabaho
kapag walang pamasahe at ewan
matanda na kasi ako
kaya madalas TV
na lang. takas sa mundo!
pagod na ako!


(marietta, 38)


-------------------------------------------


hoy marietta!


pongyetta ka
nagtanong ka pa kung pabigat ka
eh yan naman pala sabi ng ate mo at kuya
at yan na rin ang sabi ng isip mong malagaga.
oh sige, tapos na ang usapan
napagod ka na makipagsapalaran
kasi nga't kapos ka at may katandaan.
pero kung TV at TV ang nasa harapan
eh hindi ka nga naman pagaan!
kung hindi ka pagaan- ano ka?
kung hindi ka pabigat o sya! sya!
anong pwede mong gawin para maging pagaan?!
isip! kilos! isip! kilos! isip! kilos!
ikaw na lang please, ikaw na ang tumapos!


(sakura)

hindi nya alam malandi sya

oist sakura...


parang di ata alam ng gelprend ko na malandi sya.
ay oo, nagustuhan ko sya dati kasi nilandi ako,
akala ko cool yun eh...pero ngayon
nabobozit ako, kasi kahit kami na
eh lumalandi pa rin sya sa iba...sa FB atbp.
kapag kinakausap ko naman tungkol dun eh 
nilalandi lang ako kaya nalilimutan ko din pero
ngayon desidido na ako na makipag-break sa kanya.
tama naman di ba?



samwel awtder, 20




-----------------------------


hoy samwel awtder!


eh ikaw nga nadala sa kalandian yung iba pa kaya?
kung nag-enjoy ka sa kalandian nya, 'di kaya enjoy din ang iba?
sya ba ang tipong siniseryoso o tipong nilalandi lang din?
sya ba ang nais mong pakasalan o ahemahemin lang?
wala na bang pag-asang mabago pa 'yan?
kung sa tingin mo wala, baka wala na nga!
 
'di ka ba masasaktan kapag nakipag-break ka
tapos nakikita mong todo na ang paglandi sa iba?
di ka ba manghihinayang na ang laruan mo dati 
ay pinaglalaruan kasi nagpapalaro na sa iba?
eh kung hindi naman, bakit nag-iisip ka pa?
breakan na kung bre-breakan!


sakura

new year na, ganun pa rin

oist sakura!
wala rin namang kwenta ang new year!
wala namang nagbago!
ganun at ganun pa rin lahat!
nakakabwisit ang buhay!
walang pera lagi!
pweh!
(tado, 34)

hoy tado!
tarantado ka pala eh...
new year na new year puro nega ka!
may nagawa ka bang may kwenta para magka
kwenta ang new year na ito sa buhay mo?
may nagawa ka bang effort para may
magbago naman sa buhay mo?
ano bang yang nambobozit sa 'yo at
parang adik na adik sa ganyan?
itapon mo na yan!
bakit ka wala laging pera?
teka, may trabaho ka ba?
may negosyo ka ba?
may mana o pensyon ka ba?
kung wala, anong inaangal mo?
eh 'di magsumikap ka! tado ka!
(sakura)

gaya gaya lang

oist sakura!
imbyerna 'tong mga fans ko ha.
ginagaya ako, nagpapahalata na ha.
mga food na gusto ko, gadgets
at parang tinatalo pa ako sa 
kasikatan ko with the boys.
abah! copycats!
(menchu, 27)

hoy menchu!
artista ka ba at feeling mo may fans ka?
kung ganyan ka kasikat, bakit may panahon
ka pa na pansinin ang ginagawa ng iba?
exclusive ba ang food mo para ikaw
lang dapat ang magkagusto?
tigmilyones ba ang gadgets mo at feeling mo
ikaw lang ang nakaka-afford?
at ano namang tungkol sa kasikatan mo sa boys?
si angelina jolie ka ba? si madonna?
hoy, baka gusto mo magkape
para magising ka sa troot.
laos ka na... anoberz!
(sakura)

walang isang salita

oist sakura!

nakakainis ang partner ko sa research-
walang isang salita!
makailambeses ko na ni-postpone
ang presentation kasi makailambeses nya na rin
'di naihahatid ang mga data na kailangan
para dun! puro sorry pero mukhang 'di
naman nag-e-effort.
arrrgggh!

(dencio, 21)

-------------

hoy dencio!

bakit sya pinili mong partner?
dati ba ay ganyan din sya?
bakit ka pa umasa at nag-postpone ng
meet kung makailambeses na pala syang palpak?
'di ka pa natuto?
kapag nagkagulo-gulo dahil jaan pwede ka
rin bang mag 'sorry' na lang?
inis na inis ka na 'di ba?
galit na galit ka na 'di ba?
bosit na bosit ka na 'di ba?
pwes!'wag ka na umasa!
gawin mo na 'yan mag-isa!

(sakura)

ayaw i-add sa FB

oist sakura!

yung ex ko 'di pa rin ako ina-add sa FB nya.
matagal ko na alam na may FB sya at
alam nya na may FB din ako eh
bakit ayaw nya ako i-add?
(liezel, 28)



hoy liezel!
ano naman pakelam mo sa ex mo at FB nya?
kaya nga ex 'di ba, wala nang 'y' (why) pa?
eh ano kung matagal na sya may FB?
eh ano kung alam nyang may FB ka?
eh ano kung ayaw ka nya i-add?
bakit 'di na lang ikaw mag-add?
mamamatay ka ba 'pag 'di ka
in-aacept? bwahaha!
goodluck!
(sakura)