wala namang alam

oist sakura!

anong problema ng isang tao dito?
sabat ng sabat sa isyu eh 'di
naman alam kung ano
talaga 'yun.
basta lang may maisabat, tira ng tira!
nagsasawa na ako sa kakabasa
ng sabat nya. kalerkey!

(doodz, 45)

----------------

hoy doodz!

sinong tao jaan ang sinasabi mo?
ano nga ba problema nya?
at ano bang problema mo sa pagsabat nya?
dahil nga kaya sa isyu mo na feeling mo
wala syang alam o dahil sa gusto sya
pakinggan ng dating sayo lang
nakikinig? umayos ka nga!
kung nagdidiskusyon kayo, 'di ba pwede
mo namang sabihin ang nais mo?
kung naiinis ka sa kanya, 'di ba pwede
mo naman syang deadmahin?
ano ba problema mo?
'wag ka magbasa!
kakalerkey ka!

(sakura)

buntis na

oist sakura!

housemate ko buntis na.
lagi kasi pinapapunta boyprend nya dito
sa boarding house namin eh.
yung dating housemate namin na lalaki
nabuntis naman gelprend nya kasi
lagi nya ring pinapapunta dito.
napapaligiran ako ng mga malibog!
nakakatakot baka mahawa ako.

(ronalyn, 23)

---------------------

hoy ronalyn!

kapag pinapapunta ba mga jowa eh
kelangan meh nangyayaring kababalaghan?
bakit naman 'di mo 'ata namamalayan  na ginagawa
na palang motel yaang tinitirhan mo?
eh nabuntis sila kasalanan mo pa ba yun?
natatakot ka ba ba talaga o naiinis
o baka naman naiinggit?
kung natatakot ka na mahawa talaga
gusto mo ng dobleng sampal?
ano yan bulutong-tubig? sore eyes?
naniniwala ka ba talagang nakakahawa
ang pagkamalibog? ipa-exorcise kaya kita!
asikasuhin mo na lang ang sarili
mo at huwag na silang isipin.
kanya-kanyang trip 'to!

(sakura)

ayoko ng konek

oist sakura!

inaalis ko na lahat ng gamit ng ex ko
sa bahay, as in lahat talaga!
ayoko ng konek! ayoko sya maalala!
todong bagong-buhay na ito.
goodluck sa akin.

(caitlin, 28)
--------------------

hoy caitlin!

kapag inalis mo ba lahat ng gamit ng ex
mo ay 'di mo na sya maaalala?
ano namang kasuklam-suklam ang ginawa
sa'yo nyan at ayaw mo ng konek?
kahit masasayang araw gusto limutin?
okay! fine! ayaw mo nga!
whatever! kaya mo pangatawanan yan?
todong bagong-buhay talaga?
goodluck sa 'yo!

(sakura)

'di naman ako yumaman

oist sakura...

nangutang ako para makasali
sa money magnet seminar
kasi sabi yayaman daw
nganga! 'di naman.
'di naman totoo pala.
'di naman ako yumaman eh.
sayang bayad ko, 500 din 'yun!

andy, 26


------------------


hoy andy!

aatend lang ng seminar yayaman na?
nakinig ka ba talaga 'dun?
may natutunan ka?
ginamit mo natutunan?
baka naman pagkatapos eh wala lang...
ang ibig kong sabihin, asa ka pa?
asang sa ganyan yayaman ka?
'di kaya isa lang yan sa
maraming paraan...
sikap sikap din pag may time!

sakura

nasaniban ata

oist sakura!

itong kapatid ko'ng may pamilya na
ay 'di ko ma gets ang drama!
magti-text at mangangamusta pagkatapos ay
tatanungin ka kung may kinakain ka pa, 
nakakaloka 'di ba? kung kakamustahin
mo naman ay sasagutin kang okay
lang sya at may pahabol pang
"mas okay pa ako kesa sa'yo"
'di kaya nasasaniban na ito?
ano ba talaga ang drama nya?

(maelene, 36)

--------------------------------

hoy maelene!

sigurado ka bang hindi lang drawing ang kapatid
mo na iyan? kakaiba naman at mukhang
nakahithit 'ata ng katol! hindi kaya?
pinapalabas ba nya na wala ka na'ng makain?
wala ka na nga ba'ng makain? mukhang meron pa naman siguro,
nakakainternet ka pa eh at mukhang wala namang malubhang karamdaman
sa litratong nilakip mo...at bakit may mga pahabol pang ganun ang
ibang text nya? may malaking pagkakautang ka ba sa kanya?
kung wala naman, anong karapatan nyang
mambozit ng ganyan?
talaga bang hindi ka na okay? kung hindi ka nga okay o
totoong mas okay sya kesa sa iyo, ano pa rin ang drama nya at
kelangan nya pang sabihin yun? teka, ako nga pala ang tinatanong mo ano?
sa totoo lang, 'di ko rin sya ma gets. autistic ba sya? nahulog sa
duyan nuong bata pa? uhaw sa atensyon at kalinga?
o trip lang talagang mang-asar? abah!
'di kaya maigeng ipamental nyo na sya?
magpakalayo-layo ka na kasi mukhang tama ka
sa dudang nasasaniban sya. tsk tsk kawawa
naman. gudlak! na lang ha?

(sakura)

gusto lang mag-negosyante

oist sakura!

napapagod na ako dito sa buhay ko at
sa pagiging kasama sa negosyo ng pamilya.
wala rin kasing kwenta ilang taon na.
gusto ko na nga umalis kaya lang
wala naman akong mapuntahan.
ayoko maghanap ng trabaho,
matanda na kasi ako.
magnenegosyo na lang ako.
ayos 'di ba?

(marco, 34)

----------------------------

hoy marco!

mas nakakapagod ba ang buhay mo sa buhay ng basurero?
mas maige ba ang mag-isa kesa kasosyo pamilya?
ano ang ibig sabihin ng may kwenta at wala?
kung gusto umalis, bakit ayaw umalis?
kung walang mapuntahan, bakit 'di gumawa paraan?
bakit ayaw mo maghanap ng trabaho?
matanda sobra na ba talaga ang 34?
hindi ba't depende na lang 'yan sa kakayanan?
pagsisikap? pagpapasenya at pagtitiyaga?
magnegosyo? bakit hindi?
anong negosyo naman?
may pampuhunan ka na?
kung ganun, eh gudlak!

(sakura)

ang daya nya

oist sakura!
ang daya naman ng dating jowa ko.
buntis na pala 'di man lang ako sinabihan.
wala naman akong masamang nais
okay lang sana na nabati ko sya
ng congrats 'di ba?
(elmer, 35)


hoy elmer!
laro ba yan at may daya daya ka pang nalalaman?
eh ano kung buntis sya, ikaw ba ang ama
at kailangan ay malaman mo agad?
nais mo lang bumati ng congrats?
susme, eh 'di mag congrats ka!
para namang bawal na bumati kapag malaki na ang
tyan o kahit pa nailabas na ang bata!
ano ba talaga problema mo?
okay ka lang? bitter!
(sakura)