kala mo sinong martir

oist sakura!

'yang kuya ko kala mo sinong martir.
kung makapagsalita kala mo sya lahat ang
nagkakandakuba para makakain kami.
bakit may mga taong ganyan?
may topak ba sya?

(frodo, 17)

-------------------

hoy frodo!

kanino ba pinagsasabi ng kuya mo yan?
at bakit ka naman nasasaktan?
ah naiinis lang ba?
ikaw din ba ay tumutulong para makakain kayo?
nasan pala mga magulang nyo?
hindi ba't mas responsibilidad kayo ng mga
magulang nyo? mga disabled ba? ah ok.
baka naman kailangan lang na mailabas ng kuya mo
ang kanyang damdamin, hayaan mo na.
baka naman wala pa syang gelprend
hanapan mo na lang kaya...
bakit may taong gaya mo na angal din ng angal kapag
nag uuumangal ang iba? may topak ka ba?
ah wala? okay, sinabi mo eh.
sure ka ha? okay.

(sakura)

naguguluhan ako

oist sakura!

naguguluhan ako.
parang mahal ko na talaga itong kaibigan ko.
nagseselos ako 'pag may kasama syang iba
at naiinis kasi 'di nya na ako sinasagot
sa text at parang iniiwasan nya ako.
nagkasabay kami matulog minsan
pero wala namang nangyaring
higit pa sa yakapan.
bakit ganun? mahal nya din kaya ako?
tama pa bang ipagpatuloy ko ito?
naguguluhan na talaga ko.

(misisganda, 38)

--------------------------

hoy misisganda!

kung misis ka na nga at maganda pa eh hindi kaya isang bloke at
kalahating tanga ka naman na maguluhan pa
sa mga pangyayaring ito sa buhay mo?
lahat naman ng kaibigan ay minamahal pero lahat ba
ay dapat pagnasahan?
kung sa 'yo ginawa yan ng mister mo magtatatalon
at magpapamisa ka ba sa tuwa?
hindi ka kinilabutan na natulog kang katabi ang
kaibigan mo (lalaki ba yan?) at umasa asa
ka pa atang may mangyayaring hingit
pa sa yakapan ang magaganap?
bakit ganun ka rin? mahalaga pa bang
malaman kung mahal ka rin nya?
'di ba't dapat pasalamat ka na lang  mukhang nirespeto
ang estado mo ng sinuman yan at iniiwasan ka
na ngayon? mag-isip isip ka naman ale!

(sakura)

bespren kung meh kelangan

oist sakura!

ano ba talaga ang bespren?
bakit meron nagsasabi na bespren nila ako
pero 'di naman sila nagpaparamdam
o kung nagpaparamdam man eh
kung kelangan lang nila ng 
kausap atbp. ok ba 'yun?

(ervic, 29)

-------------------

hoy ervic!

ano ang bespren? ngeh! ewan woy!
ano ba ang meaning ng bespren sa'yo?
 'di ka ba pasalamat na lang na binibespren ka?
eh ano kung 'di sila nagpaparamdam kung
'di ka kelangan, 'di ba pwedeng
ikaw na lang magparamdam?
gawin mong 2-way kung pakiramdam mo
1-way lang ang nangyayari...
kesa umaalsa dandraf mo jan!
hmp!

(sakura)

taragis na smart

oist sakura!

taragis na smart yan!
ninakawan na naman ako ng load!
'di ko pa nga gaanong nagagamit na zero na!
taragis talaga! mga magnanakaw!

(daboy, 17)

---------------


hoy daboy!

bakit smart ang ginagamit mo kung
ninanakawan ka pala?
ilambeses ka na nag todo text dati na
'di naman binabawas ng smart?
hindi kaya binabawi lang nila 'yan ibinawas sa'yo ngayon
duon sa pagsasayang mo ng pagsi-send ng mga walang kwentang sms
sa kung sinu-sino lang na smart din noon?
kung talagang may isyu ka eh
bakit 'di ka tumawag sa kanila at nang mabawi
mo ang sinasabi mong ninakaw sa'yo?
bawal bang magpalit ng network sa relihiyon nyo?

(sakura)

invisible lagi

oist sakura!

invisible ako lagi.
wala akong email o FB o kahit friendster
o ano ba jaan pero misis ko meron.
natatakot kasi ako kumunek sa
mga dating friends, lagi nila
pinapaalala perslab ko eh
baka sumama loob ni
misis kaya iwas na
lang ako.

(richie, 37)

-------------------

hoy richie!

mula nuon invisible ka online?
paano mo kinakaya yan?
so ano lang ang libangan mo kapag nais mong
malibang ng 'di nagpapawis?
nakikigamit ka na lang ng account ng misis mo?
okay lang sa kanya? okay lang sayo? kakaiba ka!
'yung perslab kamo ang dahilan ng isyu mong ito?
harooojosko! kelan pa yun? higit dalawang dekada na?
maygas! nagmove-on na yun!
ang tanong, ikaw ba eh nagmove-on na?
pa kunya-kunyari ka pang concerned sa misis!
lokohin mo lelong mong panot!
mag plurk ka na woy!

(sakura)

wala namang alam

oist sakura!

anong problema ng isang tao dito?
sabat ng sabat sa isyu eh 'di
naman alam kung ano
talaga 'yun.
basta lang may maisabat, tira ng tira!
nagsasawa na ako sa kakabasa
ng sabat nya. kalerkey!

(doodz, 45)

----------------

hoy doodz!

sinong tao jaan ang sinasabi mo?
ano nga ba problema nya?
at ano bang problema mo sa pagsabat nya?
dahil nga kaya sa isyu mo na feeling mo
wala syang alam o dahil sa gusto sya
pakinggan ng dating sayo lang
nakikinig? umayos ka nga!
kung nagdidiskusyon kayo, 'di ba pwede
mo namang sabihin ang nais mo?
kung naiinis ka sa kanya, 'di ba pwede
mo naman syang deadmahin?
ano ba problema mo?
'wag ka magbasa!
kakalerkey ka!

(sakura)

buntis na

oist sakura!

housemate ko buntis na.
lagi kasi pinapapunta boyprend nya dito
sa boarding house namin eh.
yung dating housemate namin na lalaki
nabuntis naman gelprend nya kasi
lagi nya ring pinapapunta dito.
napapaligiran ako ng mga malibog!
nakakatakot baka mahawa ako.

(ronalyn, 23)

---------------------

hoy ronalyn!

kapag pinapapunta ba mga jowa eh
kelangan meh nangyayaring kababalaghan?
bakit naman 'di mo 'ata namamalayan  na ginagawa
na palang motel yaang tinitirhan mo?
eh nabuntis sila kasalanan mo pa ba yun?
natatakot ka ba ba talaga o naiinis
o baka naman naiinggit?
kung natatakot ka na mahawa talaga
gusto mo ng dobleng sampal?
ano yan bulutong-tubig? sore eyes?
naniniwala ka ba talagang nakakahawa
ang pagkamalibog? ipa-exorcise kaya kita!
asikasuhin mo na lang ang sarili
mo at huwag na silang isipin.
kanya-kanyang trip 'to!

(sakura)