addict sa FB

oist sakura...

alam mo 'yang facebook?
nakakaadik pala yan 'noh?
adik na ata ako.

(pipoy, 19)

-----------------

hoy pipoy!

ano naman tingin mo sa'kin mangmang
at hindi alam ang fezbuk?
alam ko 'yan pero hindi naman ako na-addict.
ayoko naman magsayang ng oras sa mga bagay na
'di ko pinagkakakitaan bukod lang dito sa
letsugas na blag na ito!
ano namang nakukuha mo jan?
ano namang naitutulong sa'yo nyan?
hindi ka ba nakakalimot gawin
ang ibang gawain dahil jaan?
tama bang maging addict?
anong balak mo?

(sakura)

feeling mo crush kita?

oist sakura...


ang OA ha. reunion. 'yung dati kong klasmeyt
eh umatend din gaya ko pero ang weird
kung umasta sya eh kala nya crush
ko pa sya. nuon yun! abah!
20+ years ago. feeling???


sunny, 38




-------------------------------


hoy sunny!


eh 'di nawala ang pagka-sunny mo kasi nabozit ka?
bakit ka ba nabozit ha? ang tipid naman kasi
ng kwento mo! eh ano kung ganun sya
umasta? bakit ka affected? 20+
years na so -deadma!
sinubukan mong ngumiti lang at magremark na
na lang ng kung ano, like "haler! grow up!" ?
teka, haba ng hair mo ha? true ba talaga o
baka naman naaliw lang yun sa pag-
recall at ikaw ang nag fee feeling?!
weeh? shut up!


sakura

walang panukli lagi

oist sakura...

kabozit naman ang tindero ng kantin.
lagi na lang walang panukli eh
dapat sila na naghahanda nyan!
alangan naman 'di na lang ako
kumain kasi wala syang pambarya
tapos male-late na ako!

tomjones, 18

---------------------

hoy tomjones!

gaano ba naman kasi kalaki nyang pera mo?
kung lahat puro isanlibo ang dala, 
'di ka ba maaawa sa tindero ng kantin nyo?
bakit naman kasi wala kang barya lagi?
'di ba mas maige maghanda ka na
lang din kung lagi syang ganyan?
payag ka bang araw-araw
male-late ka dahil jan?

sakura

gusto kong yumaman

oist sakura!

nakakapagod na maging mahirap.
hanggang kelan kaya ako ganito?
gusto ko nang yumaman!
paano ba?

(estong, 22)

==============

hoy estong!

ano ba ginagawa ng mahirap at laging pagod?
ano ba ibig sabihin ng 'mahirap' -
walang makain? walang matirhan?
laging walang pera?
ako ba pinariringgan mo?
hanggang kelan? naku, yan ang hindi ko alam.
ano na ba nagawa mo para maiba naman
ang takbo ng buhay?
paano ba yumaman? aba ewan din.
kung alam ko lang, eh 'di sana mayaman na ako.
ano ba ang 'mayaman' -
maraming pagkain? maraming tirahan?
laging maraming pera? parang ayoko nyan.
pero sakaling malaman mo ang sagot, ang paraan,
ibabahagi mo ba dito?

(sakura)

ang daming ipis

oist sakura!

ang daming ipis sa amin.
nakakainis! nakakadiri!
bakit kaya?

(rozie, 31)

--------------------------

hoy rozie!

maraming ipis sa inyo?
nakakainis nga! nakakadiri pa!
bakit kaya?
kaw kaya sumagot sa tanong mo!
nililigpit mo ba basura?
hinuhugasan mo ba agad pinagkainan?
pinupunasan mo ba lamesa?
kung sa tatlong yan eh puro ngiti lang sagot mo,
aydyosko! goodluck!

(sakura)

ako na lang lagi

oist sakura!

bakit ganito nanay ko at ate ko
at kuya ko? wala nang nakita kundi ako!
wala na ata akong tamang ginawa.
lumayas kaya ako?

(gabby, 16)

=============

hoy gabby!

bakit ganyan ka? wala ka nang nakita
kundi nanay at ate at kuya mo!
wala na ba silang ginawang tama?
pasalamat ka nga nakikita ka nila at siguro nais
maituwid ang pagkabaluktot mo.
makinig ka na lang at subukang kumilos ng wasto.
lalayas ka? san ka pupunta? san ka kukuha ng kakainin mo?
di ka ba mahihiyang magpalaboy-laboy o makituloy
(pasampid sampid) sa kung saan-saan, sinu-sino?
kumain ka kaya muna baka gutom lang yan!
ligpitin mo pinagkainan mo ha,
baka mapagalitan ka na naman.

(sakura)

titser ko di marunong magturo

oist sakura!

titser ko di marunong magturo.
nakakabozit.
pwede ba syang ipatanggal?

(cherry, 23)

-------------

hoy cherry!

23 ka na nag-aaral ka pa?
bakit di ka pa grumadweyt at naging titser din
kung feeling mo napakagaling mo?
pwede namang ipatanggal yan kung may basehan
ka talaga pero duda ko tamad ka lang
at maaring di ka nya paborito
kaya di mo rin sya gusto.

(sakura)