nasaniban ata

oist sakura!

itong kapatid ko'ng may pamilya na
ay 'di ko ma gets ang drama!
magti-text at mangangamusta pagkatapos ay
tatanungin ka kung may kinakain ka pa, 
nakakaloka 'di ba? kung kakamustahin
mo naman ay sasagutin kang okay
lang sya at may pahabol pang
"mas okay pa ako kesa sa'yo"
'di kaya nasasaniban na ito?
ano ba talaga ang drama nya?

(maelene, 36)

--------------------------------

hoy maelene!

sigurado ka bang hindi lang drawing ang kapatid
mo na iyan? kakaiba naman at mukhang
nakahithit 'ata ng katol! hindi kaya?
pinapalabas ba nya na wala ka na'ng makain?
wala ka na nga ba'ng makain? mukhang meron pa naman siguro,
nakakainternet ka pa eh at mukhang wala namang malubhang karamdaman
sa litratong nilakip mo...at bakit may mga pahabol pang ganun ang
ibang text nya? may malaking pagkakautang ka ba sa kanya?
kung wala naman, anong karapatan nyang
mambozit ng ganyan?
talaga bang hindi ka na okay? kung hindi ka nga okay o
totoong mas okay sya kesa sa iyo, ano pa rin ang drama nya at
kelangan nya pang sabihin yun? teka, ako nga pala ang tinatanong mo ano?
sa totoo lang, 'di ko rin sya ma gets. autistic ba sya? nahulog sa
duyan nuong bata pa? uhaw sa atensyon at kalinga?
o trip lang talagang mang-asar? abah!
'di kaya maigeng ipamental nyo na sya?
magpakalayo-layo ka na kasi mukhang tama ka
sa dudang nasasaniban sya. tsk tsk kawawa
naman. gudlak! na lang ha?

(sakura)

gusto lang mag-negosyante

oist sakura!

napapagod na ako dito sa buhay ko at
sa pagiging kasama sa negosyo ng pamilya.
wala rin kasing kwenta ilang taon na.
gusto ko na nga umalis kaya lang
wala naman akong mapuntahan.
ayoko maghanap ng trabaho,
matanda na kasi ako.
magnenegosyo na lang ako.
ayos 'di ba?

(marco, 34)

----------------------------

hoy marco!

mas nakakapagod ba ang buhay mo sa buhay ng basurero?
mas maige ba ang mag-isa kesa kasosyo pamilya?
ano ang ibig sabihin ng may kwenta at wala?
kung gusto umalis, bakit ayaw umalis?
kung walang mapuntahan, bakit 'di gumawa paraan?
bakit ayaw mo maghanap ng trabaho?
matanda sobra na ba talaga ang 34?
hindi ba't depende na lang 'yan sa kakayanan?
pagsisikap? pagpapasenya at pagtitiyaga?
magnegosyo? bakit hindi?
anong negosyo naman?
may pampuhunan ka na?
kung ganun, eh gudlak!

(sakura)

ang daya nya

oist sakura!
ang daya naman ng dating jowa ko.
buntis na pala 'di man lang ako sinabihan.
wala naman akong masamang nais
okay lang sana na nabati ko sya
ng congrats 'di ba?
(elmer, 35)


hoy elmer!
laro ba yan at may daya daya ka pang nalalaman?
eh ano kung buntis sya, ikaw ba ang ama
at kailangan ay malaman mo agad?
nais mo lang bumati ng congrats?
susme, eh 'di mag congrats ka!
para namang bawal na bumati kapag malaki na ang
tyan o kahit pa nailabas na ang bata!
ano ba talaga problema mo?
okay ka lang? bitter!
(sakura)

lahat sila mala-artista

oist sakura!
natatakot na ako sa trip nitong ate ko ha.
namimili ng kakaibiganin, narinig ko
kagabi sinabi nya sa  kaibigan
nya, gusto nya raw lahat ng
kaibigan nya mala-artista
sa ganda. anong klaseng
trip ba naman yan?
(manding, 21)

hoy manding!
bakit ka naman natakot sa drama ng ate mo?
bakit ka nakikinig sa usapan ng iba?
bakit naman puro mala-artista
daw ang gusto nya?
sya rin ba ay mala-artista sa ganda?
bakit 'di mo na lang sya hayaan
sa trip nya? baka lilipas din
yan. ang mga ganyang trip
ay 'di naman nagtatagal
eh. maniwala ka!
kaibigan nya
ako :)
(sakura)

di makatanggi sa alak

oist sakura!

kung susumahin, mabuting tao naman ako
pero bakit ganun,
di ako makatanggi sa alak?
minsan hinahanap-hanap ko pa.
parang kulang ang linggo kapag di ako
nakakainom. may kung anong
kalayaan akong nararamdaman
kapag lasheng ako.

(dodong, 38)

============

hoy dodong!

ay nagtanong ka nga- ikaw lang din naman sumagot.
kaya ka di makatanggi sa alak kasi
kulang ang linggo mo kung di ka iinom (ng alak).
at may kung anong kalayaan kang
nadarama kapag lasheng ka. eh di yan!
siguruhin mo lang na wala kang mga
binobozit na kasambahay o kapitbahay kapag lasheng ka.
baka makakita ka ng katapat, kawawa ka.

(sakura)

gaga ako

oist sakura!

gaga ako, ayan buntis...
'di ko pa natapos pag-aaral ko.
ang masakit pa, meh asawa yung boyprend ko
at parang meh anak din sa iba pang mga babae.
paano na ako?

(rina, 22)

==========

hoy rina!

gaga ka nga.
hindi lang dahil nabuntis ka kundi dahil nagpadala
ka sa tawag ng laman eh di ka pa naman pala kasal.
at josko sa meh asawa pa at sa meh anak sa MGA iba?
napakasarap nya ba at 'di mo matanggihan?
hindi ka naman siguro pinagsamantalahan 'di ba?
wala ka bang nakitang maige-ige?
paano ka na? as in nagtanong ka pa?
eh 'di syempre pangatawanan mo na 'yang
kagagahan mo. siguro naman meh takot ka pa sa dyos
kahit kinalimutan mo sya nung sarap na sarap kang ginagawa yan.
alagaan mo yan hanggang mailabas sa mundo...
kung makakahingi ka ng tulong sa ama nyan, subukan mo
pero utang na loob, wag kang umasa!
nasa edad ka na rin para dumiskarte para sa inyong mag-ina.
nariyan na yan eh. paghandaan mo na lang
kinabukasan ninyong dalawa... at payo lang ha---
tama na kagagahan! magpakatino ka na!

(sakura)

pinapalayas ng lasenggong ama

oist sakura...

anong gagawin ko dito
sa tatay ko na laging naglalasing
at pinapalayas ako lagi sa bahay? 

mc arthur, 26

==============

hoy mc arthur!

sino bang bumibili ng alak, ikaw?
sino bang nahihilo kapag nalalasing, ikaw?
kaninong bahay ba 'yan, sa 'yo?

ah hindi ikaw ang bumibili?
ah hindi ikaw ang nahihilo?
ah hindi ikaw ang  may-ari ng bahay?
ano inaangal mo jan?

naiingayan ka?
naiiinis ka kapag pinapalayas ka?
eh bakit ba ayaw mo ring lumayas?
tapos kapag 'di kinaya eh- mag "i shall return" na lang?
'di mo pa kaya 'noh?
pwes! magtiis ka!

sakura