sana umalis na sya

oist sakura!
parang nakakabadtrip na ang pinsan ko.
wala nang ginawa sa buhay kundi makikain, makitulog, makigamit
ng mga gamit ko...mabait lang din ako sa kanya kasi hindi
sya nagsusumbong sa mga magulang ko na sa akin
din natutulog ang gf ko minsan.
pa'no ko kaya sasabihing
inis na ako sa kanya?
(gardo, 21)


-----------------------

hoy gardo!
bakit 'di mo pagsabihang humanap na lang ng ibang matitirhan?
bakit 'di mo pagsabihang bumili ng sariling nyang pagkain?
bakit 'di mo pagsabihang 'wag gamitin ang gamit mo?
ay oo nga pala, kasi nga pala may sikreto kang
hindi nya binubulgar 'noh?
pwes! magdusa ka! bwahahaha!
sige na nga, eto ang payong-tanong ko:
bakit 'di mo na lang sabihin sa mga
magulang mo ang lahat?
bakit 'di mo na rin kausapin na lang
ng masinsinan ang pinsan mo?
(sakura)

may dugyot sa palibot

oist sakura!
ang hirap ng buhay kaya nakatira ako sa apartment
na iisa ang banyo ng tatlong unit. okay lang
naman sa akin 'yung hatiang gamit pero
macho ako, mga kakapit-kwarto ay
feeling-sexy at nasusuka ako
kapag nakakakita ng gamit
na napkin na naiwan o 
mga patak ng regla
(minsan tae pa) sa 
sahig. dugyot
sila'di ba?
(ronald, 28)


---------------------------

hoy ronald!
sinubukan mo na bang pagsabihan ang kakapit-kwarto
mo tungkol sa phobia mo sa dugo... o sa ano mang
isyung ito ng masalimuot na buhay mo?
meh phobia ka nga ba sa dugo o
sadyang madirihin ka lang?
wala bang basurahan na meh takip sa banyo?
bakit 'di mo na lang lagyan?
at tungol sa mga patak sa sahig...
wala naman akong masabi kundi - ew! ew! ew!
(at minsan meh tae pa??? totoo???)
ano ba?!!! nasusuka na ako!!!
'wag ka na sumulat dito
please lang!!!
(sakura)

wag na kasi mag-ingles

oist sakura!
'di ko alam kung maiinis ako o
matatawa o maaawa dito sa
kakilala ko. ang baho kasi
ng pang-i-ingles. josko.
pwede ba ipapulis?
(jerry, 35)

-----------------------------

hoy jerry!
bawal bang mainis sa maling ingles? at ba't ka apektado?
bawal bang matawa ng konti? ba't pinipigilan mo?
bawal bang maawa at tumulong?
'di ba mas maigeng yan gawin?
ipapulis????? wag naman!
kaibigan mo ba 'yan? pagpayuhan mo!
kaw papulis ko jan eh! amp!
(sakura)

nangangatog sa kaba

oist sakura!
taragis! ninenerbyos ako!
nangangatog sa kaba.
whooo!
(carl, 27)

---------------------------

hoy carl!
kung kinakabahan eh dapat bang magmura?
bakit ka nga ba kinakabahan?
meh magawa ka bang
kahindik-hindik?
kung wala naman, pwede ba, chillax!
taena! nakakahawa ka!
(sakura)

bozit na SSS yan!

oist sakura!
bozit na bozit ako sa SSS.
tatlong beses na ako pbalik-balik dun para mag apply
ng salary loan tapos kanina-kanina ko lang
talaga nalaman kung kelan tumawag na
lang ako, na meh problema pala
sa pag-encode ng data ko!
anak ng tinapa naman at nung tinanong ko
kung kelan ako pwede makapag loan eh
sinagot ba naman ako ng apat hanggang
limang buwan!
arrrrggghhh!
(namber39, 24)


------------------------------

hoy namber39!
at bakit dito ka nagwawala, SSS website ba ito?
at bakit pinaabot mo pa ng tatlong beses ka bumalik bago
ka nagtanong kung ano talaga ang problema?
ano ba talaga ang problema?
hindi mo pa ba pinaabot ang galit mo sa inyong kumpanya?
kung ipinaabot naman, wala ka bang balak magwala
para madaliin nila? samtayms it werks dir!
tadtarin mo kaya ng tawag hanggang
maubos ang load mo para makulitan sa 'yo...
dalawa lang naman papupuntahan nyan eh
ang madaliin nila o itapon nila ang
application form mo LOL
wag naman sana.
sya! gudlak na lang!
(sakura)

mga rela-thieves

oist sakura!
naaawa na ko sa sarili ko.
lagi na lang akong inuutangan
(parang hinihingian na nga eh kasi
di naman nagbabayad) ng mga kamag-anak ko.
masama kayang tumanggi naman ako?
(rinalyn, 27)


---------------------


hoy rinalyn!
bakit lagi kang inuutangan, marami kang pera?
bakit di sila nagbabayad, di ka naniningil?
(at kahit di nagbayad, pinapautang mo ulit?)
bakit ka naaawa sa sarili mo, tinitipid mo ba sarili
para mapautang lang sila?
masama bang tumanggi? hindi naman siguro.
mas masama yung ganyan ka na lang habambuhay. gets?
(sakura)

inaagawan ng kaibigan

oist sakura...


bakit naiinis ako sa pinsan ko?
lahat na lang kasi ng kinakaibigan ko
ay kinakaibigan nya tapos parang
naagawan uloy ako ng kaibigan.
tama ba na 'di ko na lang sya pansinin
at mag-pokus na lang ako sa mga
kaibigan ko at iparamdam sa kanya
na 'di sya kasali sa mundo ko?


yenyen, 30


---------------

hoy yenyen!

hindi kaya masyadong matanda ka na
para sa mga selos o inggit o mga
isyung teritoryo pagdating sa
pagkakaibigan o pakikipagkaibigan?
ang alam ko sa mga dramang ganito ay
usapang pang-elementary eh...
agawan ng kaibigan? HAHAHA

hindi mo ba pwedeng pasalamatan na
lang kasi ang pinsan mo ay hindi
isnabera sa mga kakilala o mga
kaibigan mo. eh ano kung
makipag-kaibigan din sya duon?
pag-aari mo ba 'yung mga taong yun?
mahiya ka naman. teka, may takot
ka ba kasi mas maigeng kaibiganin
ang pinsan mo kesa sa iyo? at baka
mamulat sa katotohanan mga kaibigan
mo na may lahing bruha ka? (jowk)

ewan ko sa 'yo! kung sasagutin
ko lang ng diretso ang tanong mo eh eto
ang mga sagot- tanungin mo sarili mo.
at eto pa - gawin mo kung kaya mo, pero
walang sisihan kung sa huli
mag-iisa ka na lang sa
sinasabi mong mundo.

amen?

sakura