ang daming ipis

oist sakura!

ang daming ipis sa amin.
nakakainis! nakakadiri!
bakit kaya?

(rozie, 31)

--------------------------

hoy rozie!

maraming ipis sa inyo?
nakakainis nga! nakakadiri pa!
bakit kaya?
kaw kaya sumagot sa tanong mo!
nililigpit mo ba basura?
hinuhugasan mo ba agad pinagkainan?
pinupunasan mo ba lamesa?
kung sa tatlong yan eh puro ngiti lang sagot mo,
aydyosko! goodluck!

(sakura)

ako na lang lagi

oist sakura!

bakit ganito nanay ko at ate ko
at kuya ko? wala nang nakita kundi ako!
wala na ata akong tamang ginawa.
lumayas kaya ako?

(gabby, 16)

=============

hoy gabby!

bakit ganyan ka? wala ka nang nakita
kundi nanay at ate at kuya mo!
wala na ba silang ginawang tama?
pasalamat ka nga nakikita ka nila at siguro nais
maituwid ang pagkabaluktot mo.
makinig ka na lang at subukang kumilos ng wasto.
lalayas ka? san ka pupunta? san ka kukuha ng kakainin mo?
di ka ba mahihiyang magpalaboy-laboy o makituloy
(pasampid sampid) sa kung saan-saan, sinu-sino?
kumain ka kaya muna baka gutom lang yan!
ligpitin mo pinagkainan mo ha,
baka mapagalitan ka na naman.

(sakura)

titser ko di marunong magturo

oist sakura!

titser ko di marunong magturo.
nakakabozit.
pwede ba syang ipatanggal?

(cherry, 23)

-------------

hoy cherry!

23 ka na nag-aaral ka pa?
bakit di ka pa grumadweyt at naging titser din
kung feeling mo napakagaling mo?
pwede namang ipatanggal yan kung may basehan
ka talaga pero duda ko tamad ka lang
at maaring di ka nya paborito
kaya di mo rin sya gusto.

(sakura)

abnormal daw anak ko

oist sakura...

nalungkot at nainis naman ako 
sa mga narinig kong bulong-bulungan.
abnormal daw anak ko.
eh hindi naman, malikot lang talaga sya.
at baka kakaiba lang sa ibang bata.
patulan ko na?

mariel, 30


-------------------


hoy mariel!

ano bang ibig sabihin ng 'abnormal' talaga?
eh 'di ba 'kakaiba' sa normal? eh ikaw
na nagsabi na kakaiba ang anak mo 'di ba?
bakit ka nalulungkot? 
bakit ka naiinis?
bakit mo pa papatulan?
abnormal ka ba?

sakura

masakit sa ulo

oist sakura!

masakit na sa ulo ang gradweyt skul.
basa ng basa, sulat ng sulat, dagdag mo pa mga
feelingers na classmate. hmp!
makagraduate kaya ako dito?

(emalyn, 47)

--------

hoy emalyn!

sino ba kasi nag-utos sa'yo na mag graduate school ka?
'di ba dapat hingan mo ng advil supply kung sino man yun?
bakit ka affected sa feelingers na classmates?
may problema ka ba sa pag deal?
'kaw naman kasi pumayag na mag graduate school
eh kaya ibabato ko na lang sa'yo...
makagraduate ka kaya diyan?

(sakura)

ayoko na magbasurero

oist sakura!

lagi na lang ako tigatapon
ng basura sa kusina ng dorm namin.
hindi lang naman ako ang nagluluto pero
ako lang ata ang nakakapansin na
iniipis na sya kaya dapat na
itapon. ayoko na!

(dude, 22)

--------

hoy dude!

bakit mo itinatapon lagi kung
hindi lang naman pala ikaw gumagamit?
bakit hindi ka na lang gumawa ng
sarili mong basurahan para yun lang ang itapon mo?
hindi ba pwedeng hindi ka na makiluto rin
sa kusina ninyo para wala ka na isipin
o pandirihan na mga ipis?
kung ayaw mo na, lalo naman ako! ew!

(sakura)

kala nya lang secret

oist sakura!

yung kaibigan ko may secret.
eh nalaman ko. nalaman nya na nalaman ko
kaya kinausap nya ako na isecret lang daw talaga.
ako naman sinecret ko nga pero
nalaman ko na hindi naman pala talaga secret yun.
kasi alam na ng halos lahat except lang sa
tatay nya at dalawang kapatid na lalaki so ang tanong ko.
secret pa ba yun?

(rey, 23)

--------------

hoy rey!

kung secret nya yun bakit nalaman mo?
kung alam mo na pala, bakit pinapasecret pa?
kung hindi na naman pala secret, bakit sinisecret pa?
anong meron sa tatay at sa mga kapatid bakit napakahina
naman ata pumik-up ng mga secret na si secret?
kasi kung sila na lang ang 'di nakakaalam
sa secret, malapit nang mawala ang
secret di ba? so ang tanong ko
anong secret ba yun?

(sakura)