abnormal ba sila???

oist sakura!
abnormal ba itong mga kapitbahay ko?
(tomtom, 20)

-----------


hoy tomtom!
oo. abnormal sila.
(sakura)

pwede ko ba syang idemanda

oist sakura!
walanghiyang babae ito
sinugod ako sa mall at hinambalos!
kasama ko ang mga kaibigan ko at ang
bagong boyprend ko. josko, nawindang
ako sa pangyayari, misis pala yun ng
boyprend ko. hindi ko alam! bozit!
hiyang-hiya ako kasi sa windang
ko 'di ako nakapanlaban, 'ni 'di
ko maubos maisip na 
nagyayari na iyon.
pinagmumura ako, kinaladkad,
sinabunutan at kung anu-ano pa!
pwede ko ba sila idemanda?
(amanda  27)

----------------------

hoy amanda!
takte naman kasing 'di mo alam na meh
tigreng asawa na pala yang binboyprend mo?
'di ba dapat matuto ka na at mag-imbestiga muna
bago sumuong sa mga ganyan?
kelan ka ba ipinanganak at 'di mo alam na
sobrang dami nang mga loko ngayon?
(kaya naman pala nagloloko ang kumag
kasi battered husband ata ---hahaha)
demanda? ano ako abogado?
malay ko...pero teka---
pinagmumura - slander ba yan?
pinagsasabunot at pinaghahambalos
at kung anu-ano pa --- 'di ba physical injury 'yan?
ang alam ko, maige na 'di ko nakita 'yaang
kinukwento mo, kundi idedemanda ko kayo!
sa panggulo nyo ang pagsa-shopping ko!
(sakura)

eh ano kung walang dyos

oist sakura...


tulungan mo naman ako sa aking
problema dito sa kaibigan ko.
medyo 'di ko na kasi keri 
'yung lagi nyang pagsabi
na walang dyos...
'di naman ako relihiyoso pero
katoliko ako...pero kaya ko naman
syang kaibiganin pero nakakasawa na 
'yung lagi nyang sinasabi na walang dyos
at kung anu-ano pang mga tinatanong nya
sa akin tungkol sa dyos at sa mga nasa bibliya..


samuel, 20


-----------------------------




hoy samuel!


hindi ba pwedeng pagsabihan mo nang
derecho yang kaibigan mo na 'di mo na gusto
ang lagi nyang pagbanggit at pagkwento sa'yo ng
kung anu-ano tungkol sa paniniwala nya?
kung kaibigan mo talaga sya
eh hindi 'yan mawawala sa'yo bangkus
ay mapapaisip sya ...kesa naman ikaw ang
namumrublema nang hindi nya alam 'di ba?
ano palang problema kapag tinatanong ka?
hindi ka siguro makasagot noh?
aba 'di kaya panahon na para matuto ka?
para 'di ka na matameme sa kanya?
at teka, kung naniniwala syang
walang dyos, bakit ba parang
mas lagi nya pang naiisip ang
dyos kesa sa iyo?
hmmmm...


sakura

parang timang na kapatid

oist sakura


parang timang ang kapatid kong ito
ano kaya pwede kong gawin para 'di ako
tuluyang mabozit sa kanya?
magaling lang magtext o tumawag kung
meh problema pero kung wala naman
eh parang invisible man...


petiks, 20




--------------------------------------------


hoy petiks!


'di kaya parang timang ka rin?
bakit mo naman pinuprublema kung
'di sya nagpaparamdam kung wala syang problema?
ayaw mo pa nyan, wala syang problema?
ano pala gusto mo, kahit masaya
tinitext at tinatawagan ka?
ah okay! ikaw yun 'di ba?
iba sya so, sorry ka na lang ha...


sakura

nakikipagbati kasi mangungutang

oist sakura!

hmp! walang kwenta 'tong kaibigan ko kuno

inaway ako ng todo, halos isumpa ako. .

ilang buwan ko ring iniyakan kasi
naman ---wala akong kasalanan!

at ngayo'y okay na ako.

tapos bigla bigla, marinirinig ko lang

makikipagbati raw. ha? bakit?
abah, narinig ko rin - wala na
syang ibang mauutangan at kapos na
kapos. ano sakura? batiin ko na?


(valiente, 45)


--------------------------------------------------


hoy valiente!


kung walang kwenta, bakit mo kinakaibigan?
kung pinaiyak ka, bakit oras ay iyong nilalaan?
kung halos isumpa ka, bakit anjan pa sa isipan?
ayan tuloy, ako'y napatula na lang!
ngayong alam mo na, anong balak pa?
makipagbati para mautangan na?
ewan ko sa'yo, ewan kung addict ka
o tunay na nagmamahal lang sa tanga...
ikaw? anong gusto mo? bati na talaga?
ay! mag isip ka kaya muna---
sya ba'y sa iyo, ganon kahalaga?
ikaw ba'y siguradong may ipapautang pa?


sakura

wala akong pamusta

oist sakura!

nakakalungkot naman.
wala akong pamusta sa sabong.
anlaki rin ng mapapanalunan sakali.
may pera ka ba diyan?

(goryo, 42)

-----------------

hoy goryo!

nalulungkot ka kasi wala kang pamusta?
kamusta naman 'yan, samantalang
ang iba nalulungkot kasi
walang makain.
ano bang meron sa sabong na yan
at nahuhumaling kayo?
ang alam ko napakaraming maybahay ang
naiinis kasi una nyo pang hinihimas ang manok
kesa sa kanila. haysabagay, 'di mo naman
pwedeng isabong ang maybahay mo
at kainin kapag natalo 'di ba?
wala akong pera!
at kahit meron, bakit ko naman ipupusta?
eh kung natalo? boozet!

(sakura)

mamatay na 'ata ako

oist sakura!
mamatay na 'ata ako.
andami kong naiisip at nararamdaman sa
katawan ko na parang mga senyales
na ng aking katapusan!
waaaahhhh!!!
(sally, 30)


-------------


hoy sally!
pa'no mo naman nasiguro na ang mga nararamdaman mo
ay mga senyales na? namatay ka na ba dati?
pa'no mo naman napagtanto na 'yan
na nga ang ending ng mga
senyales kamo?
ano ba ang maige, mag depres-depresan
ka sa nararamdaman mo o mamuhay
ng buo para naman 'pag nadeado
ka eh may kwenta kahit papano?
isa pa, dyos ka ba?
linshak naman...
pwede ba, iba naman ang problemahin mo?
'yang hindi loka-lokang utak mo ang dahilan o solusyon!
kuha mo?!
(sakura)

pabigat daw ako

oist sakura...


pabigat daw ako sabi ng kuya ko
yan din ang sabi ng nanay ko
yan din ang naiisip ko
siguro nga pabigat ako noh?
ang hirap kasi maghanap ng trabaho
kapag walang pamasahe at ewan
matanda na kasi ako
kaya madalas TV
na lang. takas sa mundo!
pagod na ako!


(marietta, 38)


-------------------------------------------


hoy marietta!


pongyetta ka
nagtanong ka pa kung pabigat ka
eh yan naman pala sabi ng ate mo at kuya
at yan na rin ang sabi ng isip mong malagaga.
oh sige, tapos na ang usapan
napagod ka na makipagsapalaran
kasi nga't kapos ka at may katandaan.
pero kung TV at TV ang nasa harapan
eh hindi ka nga naman pagaan!
kung hindi ka pagaan- ano ka?
kung hindi ka pabigat o sya! sya!
anong pwede mong gawin para maging pagaan?!
isip! kilos! isip! kilos! isip! kilos!
ikaw na lang please, ikaw na ang tumapos!


(sakura)

manigas sya

oist sakura!
dapat ba ako makunsenysa?
nainlove ako sa friend ko na may gelprend
na pero 'di na naman sya gaanong
pinapansin nung gelprend nya ewan bakit.
kasalanan ko bang mainlove ako sa kanya?
kasalanan ko bang mainlove sya sa akin?
kami na ng friend ko at sigurado ako
wala na sila ng gelprend nya kasi
'di na nga nagkocommunicate 'diba?
so may kasalanan ako?
sa palagay ko wala! wala! wala!
(kompyuzd, 27)

hoy kompyuzd!
dapat ka ba makunsenysa na nainlove ka?
kasalanan mo bang mainlove ka sa kanya?
kasalanan mo bang mainlove sya sa 'yo?
'di na nga nagkocommunicate 'diba?
so may kasalanan ka?
sa palagay ko wala! wala! wala!
pero siniguro mo na ba?
mahirap magpunas ng dugo kapag
nagkagulo gulo na!
(sakura)

hindi nya alam malandi sya

oist sakura...


parang di ata alam ng gelprend ko na malandi sya.
ay oo, nagustuhan ko sya dati kasi nilandi ako,
akala ko cool yun eh...pero ngayon
nabobozit ako, kasi kahit kami na
eh lumalandi pa rin sya sa iba...sa FB atbp.
kapag kinakausap ko naman tungkol dun eh 
nilalandi lang ako kaya nalilimutan ko din pero
ngayon desidido na ako na makipag-break sa kanya.
tama naman di ba?



samwel awtder, 20




-----------------------------


hoy samwel awtder!


eh ikaw nga nadala sa kalandian yung iba pa kaya?
kung nag-enjoy ka sa kalandian nya, 'di kaya enjoy din ang iba?
sya ba ang tipong siniseryoso o tipong nilalandi lang din?
sya ba ang nais mong pakasalan o ahemahemin lang?
wala na bang pag-asang mabago pa 'yan?
kung sa tingin mo wala, baka wala na nga!
 
'di ka ba masasaktan kapag nakipag-break ka
tapos nakikita mong todo na ang paglandi sa iba?
di ka ba manghihinayang na ang laruan mo dati 
ay pinaglalaruan kasi nagpapalaro na sa iba?
eh kung hindi naman, bakit nag-iisip ka pa?
breakan na kung bre-breakan!


sakura

maibabalik ko pa kaya?

oist sakura!

yung bespren ko ‘di na ako pinapansin.
nagalit ata sa ‘kin kasi meh gusto nalaman nya
na kapwa babae na ang gusto ko.
pa’no na yan, wala na bang paraan para
maibalik pagkakaibigan namin?
sayang naman.
(marshmallow, 28)



hoy marshmallow!
sapat ‘bang dahilan na itakwil ka ng kaibigan ang
pagkakaroon ng puso para sa kapwa babae?
wala na kayang ibang malalim lalim na
dahilan ang pag-iwas o ‘di papansin sa’yo?
gaano ba kahalaga ang pagkakaibigan ninyo para sa ‘yo?
wala ka na bang ibang maisip na paraan
upang maibalik ang pagkakaibigan nyo
kundi ang magtanong dito?
subukan mo kaya syang tanungin ng derecho?
siguradong handa ka ba sa sagot?
lalong sayang na kung hindi ka
gagawa ng hakbang…
(sakura)

new year na, ganun pa rin

oist sakura!
wala rin namang kwenta ang new year!
wala namang nagbago!
ganun at ganun pa rin lahat!
nakakabwisit ang buhay!
walang pera lagi!
pweh!
(tado, 34)

hoy tado!
tarantado ka pala eh...
new year na new year puro nega ka!
may nagawa ka bang may kwenta para magka
kwenta ang new year na ito sa buhay mo?
may nagawa ka bang effort para may
magbago naman sa buhay mo?
ano bang yang nambobozit sa 'yo at
parang adik na adik sa ganyan?
itapon mo na yan!
bakit ka wala laging pera?
teka, may trabaho ka ba?
may negosyo ka ba?
may mana o pensyon ka ba?
kung wala, anong inaangal mo?
eh 'di magsumikap ka! tado ka!
(sakura)