kakaibang nanay

oist sakura!

kakaiba naman itong nanay ko.
sabi ng karamihan pangit ka na sa lahat pero
sa nanay mo maganda ka pa rin eh bakit
itong nanay ko kahit maganda naman
ako eh laging sinasabing pangit ako.
bakit ganyan sya?

(cherry, 17)

-----------------------------

hoy cherry!

porke sinabing pangit ka kakaiba na nanay mo?
hindi kaya 'di lang sya sinungaling?
gusto mo ba magsinungaling sya sa'yo?
bakit napakahalaga sa 'yo ang usapang pangit o maganda?
alam mo na ba talaga ang kahulugan nyan?
kung sinasabihan kang maganda ng iba,
naniniwala ka naman?
kung sinabihan kang pangit ng nanay mo,
naniniwala ka rin?
ikaw, ano tingin mo sa sarili mo?
'di ba 'yun ang mas mahalaga?
buhay pa nanay mo?
sana naman ha.

(sakura)

takbuhan lang lagi!

oist sakura!

asus! akala ko naman eh malalagay na
sa world record ang pasig kasi sa
wakas ay nalinis na yun pala
itong mga organisasyon ay
gagawa na naman ng
fun-run at break
record daw.
asus!

(melay, 19)

-----------------------------

hoy melay!

matagal na madumi at problemado ang pasig 'di ba?
medyo nalinis na sya ngayon 'di ba?
malabo namang ma-world record
yun saka-sakali di ba? asus!
ano bang problema mo sa fun-run at sa pag-break
ng record? 'di ba paraan din yun para
maipaalam at maparamdam sa
karamihan ang hangad?
bakit 'di ka na lang
sumali? ano na ba
nagawa mo para
makatulong?
asus!

(sakura)

masama bang maging masaya

oist sakura!

nakakabad-trip na itong rela-thief ko ha.
pinariringgan ako na madamot - 'di
ko sya pinapautang tapos daw eh
bumili ako ng bagong gamit.
hala! pakelam nya?!!!

(fernan, 35)

-----------------------------

hoy fernan!

pinapahalata mong sadya ang 'rela-thief'?
lagi ka na bang nakokotongan nyan?
'di ba desisyon mo naman kung
magpapa-utang o hindi?
'di ba pinaghirapan at pinag-ipunan mo yan
para matuwa ka naman sa sarili mo?
ano nga namang pakelam nya?
ano? ano? ano?!!

(sakura)

pusang ina sya

oist sakura!

pusang ina ang nanay ko!
pusang ina sya talaga!
sinugod ba naman ako sa dorm at
hinamon ng away at ang sabi pa eh kasalanan
ko lahat ng kamalasan sa buhay nya!
sinaktan pa ako at nilagyan pa
ng pulbos ang pagkain ko!
pusang ina sya 'di ba?
pusang ina sya!

(dina, 22)


------------------------

hoy dina!

bakit ka sinugod ng nanay mo sa dorm?
bakit ka hinamon ng away ng nanay mo sa dorm?
bakit ka pinagbibintangan ng nanay mo na ikaw ang dahilan
ng kamalasan sa buhay nya at sinaktan ka jaan sa dorm?
teka, bakit ka nga ba nagpipirmi riyan sa dorm?
bakit naman nilagyan nya ng pulbos?
napagkamalan nya bang asin?
teka, kulang ba sa asin?
pusang ina ba talaga ang tawag sa ganyang nanay?
ang alam ko sa pusang ina ay mapagmahal sa
kuting eh,baka hindi pusang ina yan!
bukod sa nasaktan ka, apektado ka nga ba?
talaga bang may ganun kang kapangyarihan para
magdala ng sangkatutak na kamalasan?
nakakatakot ka naman pala.
hindi ba't lahat ng nangyayari sa buhay natin ay tayo tayo lang
din ang may gawa? hindi ba't ang nangyari sa buhay ng
nanay mo ay sya lang din ang may gawa?
'di ba parang magulo na rin ako?
oo nga. magulo na!

(sakura)

'di mahanap

oist sakura!

naglayas ang ate ko.
pinapahanap sa amin ng nanay ko.
pagod na kami ng kakahanap.
hindi namin mahanap.
ano ba naman 'to?
(mike, 19)

-----------------------

hoy mike!

kailan at bakit naglayas ang ate mo?
bakit naman pinapahanap pa?
eh naglayas nga 'di ba kaya
ayaw magpahanap nyan!
hello! nakakapagod maghanap ng ayaw
magpahanap kasi naglayas 'di ba?
antayin nyo na lang kaya na
magparamdam o lumitaw?
ipagdasal nyo na rin na
sana maliwanagan ang utak--- ng ate mo
ng nanay mo at kayo na naghahanap.
ambait ko 'di ba?
gudlak na lang!

(sakura)

naiipit sa tren

oist sakura!

may paraan ba para makasakay
sa LRT o MRT na 'di naiipit?
sobrang 'di ko na 'ata kaya!

(norbert, 26)

-------------------------

hoy norbert!

may iba pa bang paraan
ng pagsakay sa tren?
pare-pareha lang naman ah.
kaya ka naiipit kasi talagang masikip 'yan
kapag rush hour. maige yan kasi kahit
'di ka kumapit, 'di ka matutumba!
sa bungad na estasyon ka kaya sumakay o kaya sa 
9-10am at 2-3pm lang- meh posibilidad na 'di ka
maipit sa mga oras na 'yan.
teka, mataba ka ba?

(sakura)

porke kinakaibigan eh gusto na

oist sakura!

porke ba kinakaibigan mo ang tao
eh meh gusto ka na sa kanya?
ang labo naman nun!

(tiago, 22)


--------------


hoy tiago!

ano ba naman kasi ang isyu talaga?
anong bang ibig sabihin ng 'kinakaibigan'?
hindi kaya inaaya mo magmotel?
binibigyan mo ba ng pera, alahas o
mamahaling gamit? naku! maleh!
o kinakawayan at kinakamusta
mo lang at pinagapayuhan
paminsan-minsan? ...kasi
kung ganun, 'di kaya may topak yan?
lumayo layo ka na at baka
maglakad ka ng walang ulo kapag
nakipag'kaibigan' ka jaan.
ewan. malabo ka rin eh.

(sakura)

sana naman masabi ko

oist sakura


may konting problema ako
nabuntis ko gelprend ko
nanganak na nga sya
at may baby na ako
pero sakura, ang gulo ng isip ko
ang gulo kasi hanggang ngayon
'di pa alam ng pamilya nya
ang nangyari sa amin.
wala akong pera pa kasi
nahihiya ako humarap sa kanila.


edmundo, 20


---------------------------------------




hoy edmundo!


konting problema lang talaga yan sa'yo?
ayuz ka ah...ikaw, sige, sinabi mo eh.
congrats nga pala ama ka na?
hindi ka ba nahiya sa sarili
mo at sa anak mo na
ama ka nga 'ala ka
pa ring bayag?
oo na, magulo na ang isip mo
oo na, wala ka pang kamong pera
pero juicemeh tama bang itago yan sa kanila?
tama bang mahiya ka pa sa lahat ng mga nagawa na?
'di kaya ang maigeng gawin ay umamin ka na?
kumilos ka na at pangatawanan ang bata?
kalimutan ang hiya at iharap ang sanggol sa madla?
sabagay, mahirap nga kung naumpisahan
mo na ang lito at gulo at antay ng
kung anu-ano...
so pa'no ba pare?
kailan? kapag mayaman ka na? ngek!
kailan? kapag may tapang ka na? ngek!
kailan? kapag lahat ay huli na? ngek!


(sakura)

perfect ba sya?

oist sakura!

nakakabanas ha.
itong aking amiga halos nasa kanya
na lahat- mabuting asawa at bibong anak.
mabait sya at maganda at magiliw sa mga tao.
napakatalino pa at kaya nyang
tapatan ang mga ideya ng
hindi nakakairita.
wala na bang mali sa kanya?
nakakabanas naman
ang pagka-perfect nya!

(nenailyn, 24)

--------------------

hoy nenailyn!

ano ba malaking problema mo?
eh ano kung nasa amiga mo na halos lahat?
'di ka pa masaya nyan para sa kanya?
'di ba dapat at masaya ka para sa kanya?
siguro naman meh mali rin sa kanya
kasi wala naman atang perfect.
duda ko -maige lang sya
magdala, 'di gaya mo!
bitter!

(sakura)

pasikat lagi

oist sakura...


pasikat naman 'tong ilan sa FB friends ko.
laging nilalagay mga travels at mga
bonggang pictures etc. nila na
parang wala nang bukas.
hmp! if i know pa lang
mga purita rin sila
gaya ko!


purita, 28


--------------------------------


hoy purita!


pakelaman ang FB ng may FB?
pakelaman ang post ng may post?
pakelaman ang trip na pag post ng pictures?
at kung anek-anek pang mga bagay?
ano ka bitter? madali naman mag-
unsubscribe kung 'di mo type
makita? madali rin mag-
unfriend 'di ba?
eh ano kung purita sila?
bawal bang magpost sa FB kung purita ka?
eh ano kung purita ka?
ang bawal eh ang pakelaman mo
kaligayahan ng iba lalo't di ka
naman inaano. KSP ka?


sakura

wala na sya

oist sakura!

sobrang lungkot ko ngayon.
umalis na kasi ang aking bespren.
eh sya alang 'yung kaisa-isa at sya lang
rin 'yung nagbibigay sa akin ng tsaa at vitamins
at kung anu-ano pa at sya lang nagpapasensya sa
lahat ng mga masamang epekto ng nakaraan ko...
ngayon wala na sya.
nag abroad na. ano pang silbi ng aking
pagsubok na magbago at mamuhay ng maayos?
para saan pa?

(sander, 25)

-------------------

hoy sander!

sobrang lungkot mo? paki ko?!
hahaha. biro lang ha, wag mapipikon!
ano ba talaga kasi ang papel ng bespren sa buhay mo?
nalulungkot ka ba kasi malayo na sya o
kasi wala ka ng suplay ng tsaa at iba pa?
kung makapag emote ka eh parang namatay na ah!
hindi ka ba pwedeng  bumili ng sarili mong tsaa atbp?
hindi ka ba pwedeng mag reach out sa kaibigang iba?
hindi mo ba pwedeng besprenin na lang sarili mo?
hindi ba sayang naman ang nasimulan mong
pagbabago ng bespren mo kung 'di mo itutuloy?
anong ano pang silbi? huh!
anong para saan pa? huh!
eh 'di para sa 'yo! (ang laban na 'to)
punch! punch! punch!

sakura

'di naman pinangatawanan

oist sakura!
nakakainis ka naman!
lagi ako nasilip dito eh huling
gawa mong maramihan eh antagal na.
wala bang bago?
wala na bang sumusulat sa 'yo?
o baka naman tinatamad ka na sumagot.
ano ba? gagawa gawa ka nito
'di mo naman pinangangatawanan!

(bebehgehl, 30)

------------------------

hoy bebehgehl!

pa bebehbebehgehl ka pa eh trenta ka na pala!
ano bang paki mo kung nananahimik ako?
malay ko ba na araw-araw ka
naghihintay? eh 'di sana nung isang taon mo
pa sinabi 'yan eh bakit 2015 na?
eh sa napagod ako magbukas ng email eh!
eh sa tinamad ako bigla eh!
eh sa andami ko pang ginagawang mas importante!
eh sa ...eh sa... eh sa nalimutan ko 'to eh!
sorry! tao lang!

(sakura)